Кириш (фан доктор (DSc) диссертацияси аннотацияси) Диссертация мавзусининг долзарблиги ва зарурати

- минтақа аҳолиси кийим-кечакларида анъаналар эволюцияси ва замонавийлашув омилларини ҳамда уларнинг ўзаро симбиозини тадқиқ этиш, тақинчоқлар, безак ва пардоз-андозларда анъанавийлик ва модернизациялашув жараёнларини таҳлил этиш ;

- миллий таомларнинг ўзига хос жиҳатлари ва уларда замонавийликнинг акс этиши, аҳоли ошхона анжомларининг ўзгаришига тарихий даврнинг таъсирини тадқиқ этиш, тадқиқот натижаларига асосланган ҳолда илмий хулосалар чиқариш ва стратегиясига оид амалий тавсиялар бериш.

Тадқиқотнинг объекти: Қашқадарё ва Сурхондарё вилоятлари аҳолиси моддий маданиятининг трансформацион жараёнлари ташкил этади.
Тадқиқотнинг предметини Минтақада содир бўлган сиёсий, иқтисодий ва ижтимоий ўзгаришлар таъсирида Қашқадарё ва Сурхондарё вилоятлари аҳолиси моддий маданиятида кечган трансформацион жараёнларнинг қонуниятлари ва хусусиятлари ташкил этади.
Тадқиқотнинг усуллари. Тадқиқот мавзусини ёритишда этнологик- изчиллик, ретроспектив таҳлил, қиёслаш, структуравий суҳбат, этнографик кузатув, анкета сўровномаси ўтказиш ва бошқа тадқиқот усулларидан фойдаланилди.
Тадқиқотнинг илмий янгилиги қуйидагилардан иборат:
-ХХI асрда фан ва техниканинг ривожланиши, глобаллашув ва урбанизация жараёнлари ҳамда инновацион ғояларнинг таъсирида халқимизнинг моддий маданияти билан боғлиқ тафаккурининг ҳам ўзгарганлиги этнографик материаллар асосида очиб берилган;
-бугунги кунда тарихий онг, маданий мерос, миллий-маданий қадриятларни қайта тиклашга оид давлат сиёсати амалий ишларининг моҳияти, миллий ўзлигимизни англашнинг моддий маданият билан ўзаро уйғунлашуви тарихий-этнографик маълумотлар ва этнологик аспектда исботлаб берилган;
-минтақадаги анъанавий уй-жойларга ижтимоий-иқтисодий жараёнлар ва ўзгаришлар ареали(кўлами)нинг таъсири орасида уйғунлик юзага келганлиги ҳамда аҳолининг уй-жой билан боғлиқ кундалик ва маросимий ҳаётидаги ашёвий дунёқараш билан боғлиқ эътиқодий қарашларининг ўзгариб бориши исботланган;
-аҳоли кийим-кечакларида этник, локал ва умумминтақавий хусусиятларнинг ўзгариб бориши табиий-географик муҳит, хўжалик юритиш услуби ва аҳолининг ижтимоий таркибига кўра тавсифланган, уларнинг локал хусусиятлари ранги, кўриниши, ҳолати ва алоҳида турларга хос фарқланиши дала этнографик маълумотлар асосида аниқланган;
-маҳаллий аҳолининг анъанавий таомлари ва пазандачилигининг хусусиятлари, трансформацион жараёнлар билан боғлиқ жиҳатлари минтақага хос таомланиш маданиятининг этнографик тавсифи қиёсий кўрсатиб берилган;