Lim vazirligi guliston davlat universiteti

Yunusobod tumani—1936 yili tashkil topgan. Toshkent shaxrida aholi soniga ko’ra eng katta tuman bo’lib, 2001 yil ma’lumotiga ko’ra bu erda 288 ming kishi yashaydi.
Maydoni va aholisi mos ravishda Toshkent shaxrining 14,3 va 13,4 foiziga teng.
Yunusobod tumani Toshkent shaxri sanoat mahsulotining 6,4 foizini beradi. 2000 yilda sanoat mahsuloti ishlab chiqarish xajmi 1999 yilga nisbatan 115 foizga o’sgan. Sanoat mahsulotining 51,8 foizi nodavlat sektoriga to’g’ri keladi.
Tumanda jami 47 sanoat korxonasi bo’lib ulardan eng yiriklari jumlasiga «O’zbekselmash», «Yulduz» tikuvchilik birlashmasi, asbobsozlik, vagon ryomonti zavodlari, «Urtok» qandolat fabrikasi, «O’zBAT» qo’shma korxonasi, O’rta Osiyo ryomont-energetika ishlab chiqarish birlashmasi, «Texnolog» ilmiy ishlab chiqarish birlashmasi, instrumental, abraziv zavodlari kiradi.
Tuman hududida O’zbekiston qishloq xo’jaligi vakqina va zardoblar ilmiy-tadqiqot instituti, oliy o’quv yurtlaridan Toshkent yuridik instituti, Toshkent tibbiyot pediatriya instituti va aloqa elektrotexnika institutlari joylashgan.
O’rta maxsus o’quv yurti, 4 akademik litsey, 47 o’rta maktab, 20 ga yaqin kasalxona va poliklinika, 3 sana­toriy bor.
Yunusobod tumanining o’ziga xos xususiyatlaridan biri uning hududida Respublika boshqaruvi tashkilotlari joylashganligi bilan ham belgilanadi. Mustaqillik maydoni, Markaziy xiyobon, Amir Temur muzeyi, Halq xo’jaligi yutuqlari ko’rgazmasi, botanika bog’i, Oloy bozori aynan shu erda joylashgan.
Chilonzor tumani—1963 yili Toshkentning janubi-g’arbiy qismida tashkil etilgan. Aholisi 216,1 ming kishi (2001y.) maydoni buyicha Toshkent shaxrining 9,4 foizi va aholisining 10,1 foizini o’zida mujassam etadi.
2000 yili Toshkent shaxri bo’yicha ishlab chiqarilgan sanoat mahsulotining 5,6 foizini Chilonzor tumani bergan.
2000 yilda mahsulot xajmi 1999 yilga nisbatan 112.3 foizga ortgan. Tumanda jami 51 sanoat korxonasi mavjud. Shulardan eng yiriklari: «Algoritm», elektr-ruzyur butomlari zavodi, «Sovplastital», O’zbekiston — Italiya qo’shma korxonasi, mebel zavodi, 2—poyabzal ishlab chiqarish birlashmasi va boshqalar.
Tuman hududida Toshkent Davlat iqtisodiyot universiteti, Davlat va jamiyat qurilishi akademiyasi, Jahon tillari instituti, 15 dan ortiq ilmiy-tadqiqot va loyihalash institutlari, 8 o’rta maxsus o’quv yurti, 3 akademik litsey, 37 o’rta maktab, 16 kasalxonalar joylashgan. Oliy Majlis binosi, Muqimiy teatri, Halqlar Do’stligi saroyi, O’zbekiston Milliy bog’i, «Toshkent» avtovokzali, Toshkent otchopari ham Chilonzor tumani hududida joylashgan.