Лойиҳани асослаш (мазмуни)

4.9. Лойиҳани амалга оширишнинг ҳар бир босқичида (йилида) қўлга киритилиши режалаштирилган янги илмий ишланма (маҳсулот, технология) – тадқиқот натижаларининг хронологик тавсифи (бунда илмий лойиҳа якунида яратиладиган янги ишланма (технология) йиллар кесимида алоҳида, мантиқий кетма-кетликда баён этилиши зарур, 500 та сўздан ошмаслиги лозим):
Биринчи йилда (2022 йилда) қуйидаги ишлар амалга оширилади:
- турли технологик жараёнлардан (майдалаш, яшчиш, магнитли сепарациялаш,) фойдаланиб қимматли компонентларни ажратиб олиш технологияларини таҳлилини амалга ошириш, рух сақловчи пўлат эритиш чангларини қайта ишлаш бўйича олдин бажарилган тадқиқотларни таҳлил қилиш;
- Рух сақловчи пўлат эритиш чанглар жойлашган отваллардан ўртача намуна олиш, кимёвий ва минералогик таркибини ҳамда физико-механик хусусиятларини филиалдаги, ҳамда республикамиздаги мавжуд лабораторияларда (Илғор технологиялар маркази, Узметкомбинат АЖ нинг аналитик лабораторияси) паралел таҳлил қилиниш, кимёвий ва минералогик таркибини чуқур ўрганиш. Рух сақловчи пўлат эритиш чангларини физик-кимёвий хоссалари (қаттиқлиги, зичлиги, гранулометрик, кимёвий, минералогик таркибини, минераллар қандай шаклда эканлигини, керакли минераллар қайси тоғ жинси таркибида турганлиги ва ҳоказо) тадқиқ қилиш;
- Рух сақловчи пўлат эритиш чангларини қайта ишлашга тайёрлаш жараёнлари (янчиш, таснифлаш)ни ишлаб чиқариш ускуналарига максимал яқинлаштирилган замонавий лаборатория жиҳозларида ўтказиб, жараёнларининг оптимал параметлари аниқлаш, энг самарали технологик ускуналарни танлаш. Рух сақловчи пўлат эритиш чангларини қайта ишлашнинг турли технологик параметрларни таъсирини тадқиқ қилиш;
Иккинчи йилда (2023 йил) мўлжалланган ишлар:
- оксидланган мис рудаларни уюмда ва агитацион танлаб эритиш махсус ускуналарда ўтказиш, уюмда танлаб эритиш жараёнини тадқиқ қилишда Навоий КМК Марказий кон бошқармаси ГМЗ-7 олтин рудаларини уюмда танлаб эритиш технологияси асосида ўтказиш. Уюмда ва агитацион танлаб эритиш бўйича технологик тадқиқотлар ўтказиш татижасида жараёнларнинг илмий асослари ишлаб чиқиш. Олинган эритмаларни тозалаш жараёнларини оптимал параметрларини аниқлаш;
- гидрометаллургик усуллар билан оксидланган мис рудалари ва уларни бойитиш натижасида олинган бойитмалар таркибидан металларни эритмага ўтказиш, ҳамда эритмалардан металларни ажратиб олиш усулларини синовдан ўтказиш, металларни ажратиб олишга турли хил омилларни таъсирини ўрганиш;
- эритмалардан металларни ажратиб олиш учун турли хил усуллар (сорбция, тиндириш, қуйилтириш, танлаб эритиш, фильтрлаш, чўктириш, экстракциялаш, цементациялаш ва бошқалар) ни қўллаш имкониятларини тадқиқ қилиш. Олинган маҳсулотларни замонавий физик-кимёвий усуллар (СЕМ, рентген ва ИК- спектроскопия) орқали тадқиқ қилиш;
- сульфат кислота иштирокида танлаб эритиш натижасида олинадиган технологик эритмалар таркибидаги металлар бирикмаларини ўзгариш ҳолатини тадқиқ қилиш, металларни эриш механизимини тадқиқ қилиш ва ҳароратга, давомийликка ва бошқа параметрларга боғлиқ ҳолда металларни эритмага ўтиш жараёнининг принциплари ишлаб чиқиш ҳамда жараённинг мақбул тартибини аниқлаш;
- эритмалардан кераксиз моддаларни тўғридан-тўғри кимёвий таъсирлашиши натижасида металлар ионларини чўктириши ва оқова (технологик) сувларни рухсат этилган концентрация талабларигача тозалашнинг мақбул режимлари аниқлаш;
- рудаларни қайта ишлашда технологик схема вариантлари таққослаш ва техник-иқтисодий самарадорлигини ҳисоблаш;
- мақбул схема бўйича оксидланган мис рудаларни қайта ишлашни яримсаноат миқёсда тадқиқ қилиш ва оксидланган мис рудаларни қайта ишлашнинг технологик регламентини ишлаб чиқиш;
- дастурий таъминот тўпламидаги компьютерда моделлаштириш ёрдамида оксидланган мис рудаларни қайта ишлашнинг рационал технологик параметрларини тадқиқ қилиш.