Lok-bo‘yoq materiallar tayanch iboralar

Bitumli yoki asfaltli loklar neft bitumlarini yoki asfaltni, yoki ularning aralashmasini o‘simlik moylari bilan qorishtirib, organik erituvchilarda eritib tayyorlanadi. Ular kanalizatsiyada ishlatiladigan cho‘yan quvurlarni, sanitariya-texnika uskunalarining metall qismlarini va boshqa yer ostida ishlatiladigan metall konstruksiya- larni qoplash uchun mo‘ljallangan. Òoshko‘mir loki toshko‘mir pekining organik erituvchilardagi eritmasi bo‘lib, cho‘yan va po‘lat konstruksiyalarni korroziya muhitidan himoyalash uchun ishlati- ladi.
Nitroloklar nitrosellulozaning organik erituvchilardagi eritmasi bo‘lib, plastifikatorlar sifatida turli smolalar ishlatiladi. Ular tez quriydi va yaltiroq parda hosil qiladi. Nitroloklar yog‘ochdan tayyorlangan buyumlarni loklash va bo‘yoq ustidan yaltiratish uchun ishlatiladi.
Spirtli loklar va politura tabiiy hamda sun’iy smolalarning spirtdagi eritmasi bo‘lib, tarkibiga pigmentlar aralashtirib, turli ranglarda tayyorlanishi mumkin. Ular yog‘och yuzalarni pardozlash, shisha va metall buyumlarni qoplash uchun ishlatiladi.
Emalli bo‘yoqlar pigmentning lokdagi suspenziyasi, maxsus apparatlarda tayyorlanadi. Emalli bo‘yoqlar qotgach, qattiq,
atmosfera muhitiga chidamli, 1–2 sutka davomida xona haroratida qurishi va chiroyli ko‘rinishda bo‘lishi talab etiladi. Sintetik emalli bo‘yoqlarga alkidli, perxlorvinilli emallar kiradi. Alkidli emallarga pigmentlarning gliftal, pentaftal, alkid-stirol va boshqa alkid loklardagi suspenziyalari kiradi.
Bino va inshootlarni tashqi tomondan qoplashda gliftalli GF-13 va pentaftalli PF-14 emalli bo‘yoqlari ishlatiladi. Perxlorvinil emalli bo‘yoqlar (PXV) gruntovka qoplamali metall yuzalarni va betonli fasadlarni qoplash uchun ishlatiladi.
Hozirgi kunda kremniyorganik polimerlar asosida emallar tayyorlash dolzarb masala hisoblanadi. Kremniyorganik polimerlar- dan tayyorlangan bo‘yoqlar qotgach, atmosfera muhitiga va issiqqa bardoshli, gidrofob yuza hosil qiluvchi xususiyatga ega bo‘ladi. Bunday qoplamalar havo oqimini bemalol o‘tkazadi.
Organik erituvchilarda tayyorlangan xlorkauchukli emallar suv va korroziya muhitlariga chidamli bo‘ladi. Ular metall va temirbeton konstruksiyalarni korroziyadan saqlash uchun ishlatiladi. Emallar tarkibida uchuvchi moddalar miqdorini kamaytirish qoplamalar sifatini oshirishga olib keladi.