Loyiha matni 49901-(61999)

119-modda. Norma ijodkorligi faoliyati sohasida tadbirkorlik subyektlarining ishtiroki
Tadbirkorlik subyektlari ularning manfaatlariga daxldor boʻlgan normativ-huquqiy hujjatlar
loyihalarini ishlab chiqishda, ekspertizadan va tartibga solish taʼsirini baholashdan oʻtkazishda
tadbirkorlik subyektlarining birlashmalari yoki mustaqil ravishda normativ-huquqiy hujjatlar
loyihalarining jamoatchilik muhokamasi orqali ishtirok etadilar.
Tadbirkorlik faoliyatini amalga oshirishga bevosita yoki bilvosita taʼsir qiladigan masalalarga
doir normativ-huquqiy hujjatlarning loyihalari majburiy tartibda Oʻzbekiston Respublikasi Prezidenti

---

project.gov.uz
06.06.2022
52
huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha
vakili va Oʻzbekiston Respublikasi Savdo-sanoat palatasi bilan kelishilishi lozim.
Tadbirkorlik faoliyatining rivojlanishiga toʻsqinlik qilayotgan yoki uning rivojlanishini
cheklayotgan amaldagi normativ-huquqiy hujjatlarga oʻzgartirish va qoʻshimchalar kiritish, shuningdek
ularni oʻz kuchini yoʻqotgan deb topish zarurligi toʻgʻrisidagi Savdo-sanoat palatasi tavsiyalari va yozma
soʻrovlari qonunda belgilangan muddatlarda vakolatli davlat organlari va tashkilotlari tomonidan
majburiy ravishda koʻrib chiqilishi, keyinchalik Savdo-sanoat palatasiga ularni koʻrib chiqish natijalari
haqida asoslangan xulosalar yuborilishi lozim.
Normativ-huquqiy hujjatlarning, shuningdek ular loyihalarining jamoatchilik ekspertizasini
oʻtkazish maqsadida Savdo-sanoat palatasi huzurida Ekspert kengashlari tashkil etiladi.
Ekspert kengashlari muhokama etilayotgan masalalar yuzasidan qarorlar qabul qiladi, qarorlar
majburiy tartibda koʻrib chiqish va natijalari haqida maʼlum qilish uchun vakolatli davlat organlari va
tashkilotlariga yuboriladi.
Tadbirkorlik subyektlari tomonidan oʻtkazilgan tartibga solish taʼsirini muqobil baholash
natijalari boʻyicha tayyorlangan xulosalar tegishli davlat organlari tomonidan majburiy tartibda koʻrib
chiqilishi lozim.