Mahsulot sifati nazorati

Harorat o’zgarishining ta’siri sinovlari (haroratning davriy ta’siri). Harorat sinovlarining asosiy turlaridan biri bu davriy ravishda haroratning ta’sir qilish sinovlari hisoblanadi. Bunday sinovlarda mahsulot ma’lum bir tartibdagi 3-5 haroratli davriyliklar ta’siriga duchor qilinadi. Bu sinovni mahsulotning tashqi muhitdagi harorat o’zgarishlariga chidamliligini va o’z parametrlarini saqlab qolish qolmasligini tekshirish maqsadida amalga oshiriladi. Davriy ta’sir sinovlari quyidagi metodika bo’yicha olib boriladi: sovuq kamerada MHda belgilangan haroratga keltiriladi, so’ng unga mahsulotlarni joylashtirishadi va belgilangan vaqt mobaynida ushlab turishadi; undan so’ng mahsulotlarni issiqlik kamerasiga joylashtirishadi (ko’chirish vaqti 5 daqiqadan oshmasligi kerak), bu kamerada harorat kerakli haroratga keltirilgan bo’ladi; mahsulotlarni issiqlik kamerasida ushlab turish vaqti tugagach davriylik yana takrorlanadi.
Barcha ko’rib chiqilgan sinovlarda kameralarda ushlab turish vaqtining hisobi harorat rejimini belgilashgandan so’ng boshlanadi. Kameralarda joylashtirilgan mahsulotlarga harorat bir xil ta’sir qilishini ta’minlash uchun ularni to’g’ri joylashtirish lozim bo’ladi. MH metodikasida kamerada joylashtirilgan mahsulotlar va kamera devorlari va mahsulotlar o’rtasidagi masofa aniq ko’rsatilgan. Mahsulotlarni kamera devorlaridan 5 smdan o’zoqroq qo’yish mumkin emas.

Nazorat so’zlar. Klimatik sinovlar (klimsinovlar), haroratli sinovlar, issiqqa chidamlilik, sovuqqa chidamlilik, harorat o’zgarishining ta’siri sinovlari (haroratning davriy ta’siri sinovlari).

Nazorat savollari.

1. 
   Qanday sinovlar klimatik deyiladi?
   
2. 
   Klimatik sinovlar qanday jarayonlarnio’z ichiga oladi?
   
3. 
   Issiqqa chidamlilik sinovlari qanday o’tkaziladi?
   
4. 
   Sovuqqa chidamlilik sinovlari o’z ichiga nimalarni oladi?
   

4-Amaliy mashg’ulot
Mavzu: Sinov qurulmalari
Ishdan maqsad: Sinov qurulmalarini ishlatishni o’tkazish