Ma’ruzalar matni toshkent – 2017

Jihozlardan foydalanish va ularni saqlash bo’yicha javobgarlik

Ishlab chiqarish sexlarida o’rnatilgan jihozlar uchun sex boshlig’i javob beradi. Sex ustasi uchastkadagi o’zining rahbarlik doirasidagi jihozlar ustidan nazoratni amalga oshiradi.
Sex ustasi jihozni ishchiga berkitishi; ishlab chiqarish ishchilari tomonidan jihozni moylash, sovitish, tozalash va keyingi smenaga uzatish tadbirlarini bajarilishini ta’minlashi; jihozda belgilangan vazifasidan tashqari ishlarni bajarilmasligini yoki dastgohni ortiqcha yuklanishiga yo’l qo’ymasligini, charxlash va jilvirlash dastgohlarini imkoni boricha alohida binoda joylashtirishni ta’minlashi kerak.
Sex mexanigi va bosh mexhanik bo’limi va bosh elektirik bo’limi ishchilari va nazoratchilariga jihozlar bo’yicha quyidagi vazifalar yuklatiladi: 1) jihozni sifatli saqlash va rejali ta’mirlash, ta’mirlashlararo davrda xizmat ko’rsatish, ishlab chiqarish personali tomonidan texnik foydalanish qoidalarini bajarilishini nazorat qilishini amalga oshirish; 2) jihozni kichik, o’rtacha va kapital ta’mirlashlardan qabul qilishda ishtirok etishi; 3) jihozni ko’rigi va rejali oldindan ta’mirlash bo’yicha ta’mirlash brigadasiga va ularga ko’rsatmalar berishga rahbarlik qilish; 4) jihozning avariyasi sabablarini tahlil qilishda, avariyada aybdorlarni aniqlash va ko’rsatish bilan bog’liq aktlarni tuzishda ishtirok etish; 5) texnika xavfsizligi tadbirlarini o’tkazish va bekor turgan jihozlarni konservatsiya qilishda texnik nazoratni amalga oshirish; 6) yangi kelgan jihozni qabul qilishda ishtirok etish; 7) inventarizatsiyada jihozning yeilish foizini aniqlash; 8) ishlatilgan moy va obdirochnыx materiallarni yig’ishni amalga oshirish; 9) sex jihozlaridan foydalanish va ta’mirlash uchun materiallar, asbob va sotib olinadigan mahsulotlar uchun surovnomalar tuzish.
Sex jihozini ta’mirlash bo’yicha elektrik va usta jihozning elektrotexnik qismini ta’mirlash bo’yicha texnik nazorat va rahbarlikni amalga oshiradi.