Nazorat savollari
Asosiy termin va tushunchalar.
Texnologik jihoz ishlab chiqarish ob’ekti sifatida.
Texnologik jihoz ta’mirlash ob’ekti sifatida.
Dastgohlarga quyiladigan asosiy talablar.
Dastgohlarni baholash mezonlariyu
Dastgohlarni texnik iqtisodiy ko‘rsatkichlari.
Dastgohlarni ish unumi.
Dastgohlarni puxtaligi.
Dastgohlarni aniqligiyu
Dastgohlarni samaradorligi.
Dastgohlar parkidan foydalanishning asosiy qoidalari.
Jihozlardan foydalanish va ularni saqlash bo’yicha javobgarlik.
Ma’ruza – 2
METALL KESISH DASTGOHLARIDAN RASIONAL FOYDALAN ISH VA ULARNI REJALI OLDINDAN TA’MIRLASHNING YAGONA TIZIMI
Reja:
Rejali oldindan ta’mirlashning yagona tizimining asosiy qoidalari.
Ta’mirlash va profilaktika ishlarining turlari va ta’mirlashlararo xizmat ko’rsatish.
Ta’mirlashlararo xizmat ko‘rsatish.
Profilaktika ishlarining turlari.
Ta’mirlash ishlarining turlari.
Tayanch so‘zlar va iboralar: dastgoh, ta’mirlash, rejali oldindan ta’mirlash, rejali oldindan ta’mirlashning yagona tizimi, kichik ta’mirlash, o’rta ta’mirlash, kapital ta’mirlash, profilaktika ishlari, ta’mirlashlararo xizmat ko’rsatish, davriy profilaktik operatsiyalar, rejadan tashqari ta’mirlash.
Rejali oldindan ta’mirlashning yagona tizimining asosiy qoidalari.
O‘zbekistonning ta'mirlash xujaligi keyingi 20 yilda aytarli darajada yaxshilandi, lekin sanoatning asosiy tarmoqlarida hali ham asosiy ishlab chiqarishning tez usuvchi talablaridan orqada qolmoqda. Ko‘pgina ta'mirlash xizmatlari zamonaviy texnologik jihozlarga katta ehtiyoj sezmoqda. Mamlakat dastgohlari parkining uchdan bir qismidan ortiqrog‘i ta'mirlash bilan band. Shuning uchun mashinasozlikda texnologik jihozlarni rejali oldindan ta'mirlash va ratsional foydalanishning ilmiy va amaliy asoslangan tartibli tizimini ishlab chiqish va uni amalda tadbiq qilish katta ahamiyatga ega.
Bugungi kunda mashinasozlik korxonalarining asosiy texnologik jihozi bo’lgan metall kesish dastgohlaridan foydalanish va ta’mirlash ishlari bo’yicha olib borilgan ilmiy, amaliy laboratoriyalar va boshqa omillarga asoslangan holda tehnologik jihozlardan rasional foydalanish va ularni rejali oldindan ta’mirlashning ilmiy asoslangan yagona tizimi ishlab chiqilgan.
Rejali oldindan ta’mirlash (ROT) tizimi – deb metall kesish dastgohlari va avtomatik liniyalarning buzilmasdan uzoq muddat ishlashini ta’minlash maqsadida ularni vaqti-vaqtida ko’rik, tekshirish va ta’mirlash ishlarini oldindan tuzilgan reja bo’yicha o’tkazishni nazarda tutadigan tashkiliy va texnik tadbirlar majmuasiga aytiladi.
ROT tizimi metall kesish dastgohlari va avtomatik liniyalarni uzoq muddat davomoda ishga layoqatliligini saqlab, ularning to’la quvvatda va talab qilingan aniqlikda ishlashini ta’minlaydi.
ROT tizimining asosiy vazifasi metall kesish dastgohlari va avtomatik liniyalarni xizmat davrida ta’mirlashlararo muddatini uzaytirish, ularni ta’mirlashga ketadigan sarf xarajatlarni kamaytirish va ta’mirlash ishlari sifatini oshirishdan iborat.
ROT tizimini amalga tadbiq etish quyidagilarni nazarda tutadi: 1) ta’mirlash ishlarini va unung mazmunini aniqlash; 2) jihozlarni parvarish qilish va ularga xizmat ko’rsatish bo’yicha profilaktik operasiyalarni rejalashtirish va ularni amalga oshirishni nazorat qilish; 3) jihozlardan foydalanish bo’yicha asosiy qoidalarni ishlab chiqish; 4) metall kesish dastgohlarining ishlash sharoitini inobatga olgan holda ta’mirlash sikllarini, ta’mirlashlararo davrlarini o’rganish; 5) metall kesish dastgohlarini ta’mirlashni murakkablik kategoriyalarini aniqlash; 6) ta’mirlash ho’jaligi va ta’mirlash brigadalarini tashkil etish; 7) ta’mirlashning istiqbolli tehnologiyalarini qo’llash; 8) ehtiyot detal va uzellar bilan ta’minlash; 9) moylash ho’jaligini tashkil etish; 10) ta’mirlash ho’jaligini material texnik ta’minotini tashkil etish; 11) ta’mirlash ishlab chiqarish ishlari uchun chizma ho’jaligi, tehnik sharoitlar, normativ va tehnalogik hujjatlarni tashkil qilish; 12) xizmat ko’rsatish persanolini jihozdan foydalanishning asosiy qoidalari bilan tanishtirish; 13) ta’mirlashni o’tkazish sifatini va jihozdan to’gri foydalanishni nazorat qilishni tashkil etish; 14) metall kesish dastgohlari va avtomatik liniyalarni ta’mirlash va ularga xizmat ko’rsatish persanolini bilim darajasini tekshirish va malakasini tizimli oshirishni tashkil etish; 15) ta’mirlash xizmati ishchilariga mehnat haqi to’lash tizimini ishlab chiqish; 16) ta’mirlashning mehnat talabligi, materiallar sarfi, almashtiriladigan detallar ehtiyot qismi, ta’mirlashdagi to’xtab turish vaqtlari normativlarini ishlab chiqish.
Do'stlaringiz bilan baham: |