Mavzu: dori allergiyasi

« Miya xujumi» usulini qo’llash
Ushbu usul bilan ishlashda ishonch muhitini o’rnatish , ochiq munozaraga to’sqinlik kabi ruhiy tig’izlikni yengish zarur. Usul fikrlash stereotipini kengaytirish, mavjud chegirmalarni mavhumlashtirish, fikrlash qobiliyatini jo’shqinligini rivojlantirish, o’qish faoliyatini kuchaytirish qobiliyatini birlashtiradi. Usul dalillar izlab topishni , muloqot qilishni ,himoya qilishni, eng muvofiq yechim topishni, muloqot qilishni, himoya qilayotgan vaziyat haqligiga boshqalarni ishontirishni o’rgatadi.
Usul quyidagilarni nazarda tutadi.

• 
  Fikrlar qanchalik noodatiy bo’lsa, u shunchalik ustunlikka ega ekanligini hisobga olgan holda fikrlar parvoziga imkon beradi;
  
• 
  Ko’p miqdorda taklif yuzaga keladi.
  
• 
  Fikrlar shakllanishiga halaqit beradigan hech qanday tanqidiy kamchiliklar va fikrlar;
  
• 
  Yoyilgan dalillarsiz qisqa mulohaza;
  
• 
  Fikrlarni yuzaga keltiruvchi va ularga ishlov beruvchi guruh-guruhlarga ajratish.
  

Talabalarga vazifa beriladi. Javob berish jarayonida fikrlar shakllanishiga halaqit beruvchi hech qanday taqidiy kamchiliklar va fikrlar qilinmaydi. Fikrlar, yangi g’oyalar parvozi qo’llab- quvvatlanadi. Ushbu usul har qanday vaziyatda optimal yechim topishga, o’z nuqtai nazarini himoya qilish uchun dalillar topishga imkon beradi.
25 yoshli bemor statsionarga og’iz bo’shlig’ida yarachalar paydo bulishi va ular tufayli yutinish qiyinligiga , shuningdek tana, jinsiy azolar va qo’l terisida pufaklar paydo bo’lishiga shikoyat qilib keldi.
ANAMNYeZIDAN: Bemor ORVI bo’lganligi sababli antibakterial dori vositasidan penitsillin m/o olgan. Davolanishning 4-kunidan tana haroratining yuqori ko’tarilishi, umumiy holsizlik bilan birgalikda ko’zda konyuktival belgilar, og’izda aftoz stomatit simptomlari boshlangan. Keyinchalik tananing boshqa soxalarida va jinsiy a’zolarda avval kichkina pufak ko’rinishida toshmalar ,so’ng har xil shakldagi bullalar paydo bo’la boshlagan va ular o’rnida og’riqli eroziv- nekrotik o’choqlar shakllangan.
MAHALLIY STATUS: og’iz bo’shlig’ining ko’rigida lunj, tanglay va tilning pastki yuzasi o’zgarmagan shilliq qavat fonida och qizil rangli keng eroziyalar aniqlandi. Tana va qo’l terisida har xil kattalikdagi pufaklar. Pufaklarning bir qismi taranglashgan, qolgani bushashgan qobiqli, bazi pufaklar shaffof suyuqlikli, boshqalarida esa xiralashgan suyuqlik. Yorilgan pufaklar o’rnida namlangan , politsiklik konturli eroziyalar . Ularning bazilari jigarrang qatqaloq bilan qoplangan. Pufak bosilganda suyuqlik yaqin joylashgan epidermisni ko’chiradi va suyuqlik ko’chadi. Pufak tomi qoldiqlari tortilganda , pufak atrofidagi epidermis ko’chadi.
SAVOLLAR:

1. 
   Sizning taxminiy tashxisingiz?
   
2. 
   Yakuniy tashxisni quyish uchun va to’liq etio-patogenetik davolashni amalga oshirish uchun qanday qo’shimcha tekshiruv usullarini qullash lozim?
   
3. 
   Ushbu bemordagi dermatozni qanday kasalliklar bilan qiyosiy tashxislash mumkin?
   
4. 
   Ushbu Layella sindromida davolash usullari?
   

Shifokor qabuliga 39 yoshli bemor quyidagi shikoyatlar bilan murojaat etdi. Qorinda, qo’l- oyoqlarda, xamda tanasida turli kattalikdagi qavarchiqlar toshishi va ularni kuchli qichishiga, xolsizlikka, bosh og’rishiga.
ANAMNYeZIDAN: Bemor kechqurun boshi og’riganligi sababli shifokor maslahatisiz sitramon tabletkasini gazli ichimlik coca-cola bilan qabul qilgan .
MAXALLIY STATUS : kurilganda bemor axvoli og’ir, butun tanasida palaxsa –palaxsa qavarchiqlar mavjud bulib teridan burtib chiqqan kuchli qichinish bezovta etmoqda. Ichki azolar tomonidan o’zgarish aniqlanmadi. AQB 110/70mm.si.ust. Bemor anamnezidan hech qanday allergik xastaliklar o’tkazmagan.

SAVOLLAR:

1. 
   Sizning taxminiy tashxisingiz?
   
2. 
   Yakuniy tashxisni quyish uchun va to’liq etio-patogenetik davolashni amalga oshirish uchun qanday qo’shimcha tekshiruv usullarini qullash lozim?
   
3. 
   Ushbu bemordagi dermatozni qanday kasalliklar bilan qiyosiy tashxislash mumkin?
   
4. 
   Ushbu kasallikda davolash usullari?
   
5. 
   Bemorga klinik tuzalgandan keyin qanday tavsiyalar berasiz.
   

45 yoshli bemor o’tkir o’choqli pnevmoniya xastaligi bo’yicha davolangan. Anamnezida dorilarga nisbatan allergik reaksiya kuzatilmagan. Kir yuvish kukuni ishlatganida terida qizarish va qichima kuzatilgan. Oyog’ida zambrug’li hastalik buyicha davolangan. Pnevmoniyani davolashda bemorga penitsillin , streptomitsin , novakain qilingan. Ushbu muolajani birinchi ukolini olgach, oradan 5 minut o’tgandan so’ng bemorni yuzi qizarib ketgan, umumiy behollik, kuchli terlash, ko’krak qafasi va qorinda og’riq kuzatilib, nafas olishi og’irlashgan. AQB 80/20 mm.si.ust , Puls har bir minutda 108 marotaba ritmik xolda urgan. Yurak tonlari sustlashgan, o’pkada vezikulyar nafas , qorin yumshoq og’riqsiz.