Mavzu: Kechki kartoshka Reja: I. Kirish II. Asosiy qism

Mavzu: Kechki kartoshka
Reja:
I.Kirish
II.Asosiy qism
2.1. Kartoshka haqida
2.2.Kechki katoshka yetishtirish
2.3.Kimyoviy preparatlarni samaradorligini o’rganish.
2.4.Kartoshka kuyasiga qarshi kurashning kartoshka hosildorligiga ta’siri.
III.Xulosa
IV.Foydalanilgan adabiyotlar


Kirish
Sabzavot-poliz va kartoshkadan mo’l hosil olishda ilg’or agrotexnologik tadbirlarga amal qilish bilan tarqalishining oldini olish, ularni paydo bo’lish sabablarini to’g’ri aniqlash ularga qarshi kurash choralarini izchillik bilan amalga oshirish lozim.
Ma’lumki O’zbekiston Respublikasi mustaqillikka erishgandan so’ng qishloq xo’jaligining barcha sohalarida, jumladan sabzavot va kartoshkachilikka ham katta e’tibor qaratildi. Ayniqsa aholini meva-sabzavot, kartoshka va poliz mahsulotlariga bo’lgan ehtiyojlarini qondirish uchun ekin maydonlarida sabzavot ekinlari salmog’ini o’rtacha yilga 3 mln tonnaga, poliz ekinlari 1 mln tonnaga, kartoshkachilikni esa 400-500 ming tonnaga yetkazish ko’zda tutilgan edi.Shu tadbirlardan keyin ko’pchilik xo’jaliklar, brigadalar, zvenolar sabzavot- poliz va kartoshkadan yuqori hosil olmoqdalar. Ular o’rtacha har bir gektar sug’oriladigan yerdan 300-350 sentner hosil olishga erishdilar.Pomidordan esa 500-550 sentner hosil olib, namuna ko’rsatdilar.
Kartoshkachilikka ham katta e’tibor berilmokda. Kartoshkachilikni rivojlantirishda tuproq sharoitlari hisobga olinib, ayniqsa Toshkent, Samarqand, Namangan viloyatlarida kartoshkachilik uchun qulay sharoit mavjudligi, bu sohada ijobiy natijalar beryapdi.Buxoro, Samarqand, Qashqadaryo, Xorazm viloyatlari xo’jaliklarida ham bu sohada ibratli ishlar amalga oshirilayapdi.Umuman olganda respublikamizda kartoshka 40-42 ming gektar maydonga ekilib, hozirda 380-440 ming tonnaga yaqin yalpi hosil yetishtirilmokda.Hosildorlik respublika bo’yicha olganda o’rtacha 100 sentner bo’lsa, ilg’or xo’jaliklarda 150-170 sentnerni tashkil qilmoqda.Respublika hukumati kartoshkachilikni yanada rivojlantirish, hosildorlikni oshirish borasida kartoshkachilik sohasini konsentrasiya qilish, ixtisoslashtirish, yetishtirish jarayonlarida yangi usullarni kiritish, hosildorlikni oshirish borasida izlanishlarni ko’paytirishni olimlar, qishloq xo’jalik xodimlari zimmasiga yuksak vazifa qilib qo’ydi.