Мавзу; Мирзачўл минтақаси Режа; кириш ўзбекистоннинг Мирзачўл минтақаси

қишлоқ хўжалиги. Сирдарё вилояти мамлакатимиз қишлоқ хўжалиги маҳсулотининг 3,6 фоизини, Мирзачўл иқтисодий районининг 40,8 фоизини беради. Янги ерларни ўзлаштириш орқали ривожланган бу тармоқда деҳқончилик етакчилик қилади.
Ҳозирги пайтда Сирдарё вилоятининиг умумий экин майдонлари 260 минг гектар бўлиб, шундан 104,4 минг гектарга донли экинлар экилади. қолган қисмида пахта, полиз ва сабзавот етиштирилади. 2000 йилда вилоятдаги 104,4 минг гектарга экилган донли экинлардан 217,2 минг тонна ҳосил олинган (асосан буғдой), ҳосилдорлик ўртача 20,8 центнер.
Деҳқончиликнинг етакчи тармоғи–пахтачилик бўлсада, кейинги йилларда унинг экин майдонлари анчага қисқарди. Ҳозирги вақтда Сирдарё вилояти барча экин майдонларининг 53,1 фоизига пахта экилмоқда.
Полиз ва сабзавот маҳсулотларини етиштириш ҳам му­ҳим қишлоқ хўжалиги тармоқлари бўлиб, вилоят бу жиҳатдан минтақалар ичида етакчилардан ҳисобланади. Айнан ана шу маҳсулот турларининг ялпи ҳосили Республика умумий кўрсаткичида 3,7 фоизни, шундан полиз экинлари 54,1 фоиз, қолгани сабзавотларга тўғри келади. Полиз экинлари етиштириш бўйича (63,4 минг тонна) вилоятлар орасида мазкур вилоят биринчи ўринни эгаллайди.
Сирдарё вилоятида деҳқончилик маҳсулотларини етиш­тириш билан бир вақтда чорвачилик тармоқлари ҳам ривож топиб бормоқда. Мазкур тармоқнинг ялпи қишлоқ хўжалиги маҳсулоти ҳажмидаги улуши 45,7 фоизга тенг. Гўшт етиштириш тирик вазнда 25,1 минг тоннани ташкил этган ҳолда Республикада етиштирилган гўштнинг 3,1 фоизни, сутнинг 3,3 фоизини беради. Бундан ташқари, пиллачилик ҳам яхши йўлга қўйилган.
қишлоқ хўжалигидан олинаётган маҳсулотларнинг ялпи ҳосилига кўра 2000 йилда Оқолтин (15,9 фоиз), Сайхунобод (13,6 фоиз), Боёвут (17,2 фоиз) ва Сирдарё (14,5 фоиз) туманлари бошқа туманларга нисбатан ажралиб туради.
2001 йил маълумотлари бўйига, ўтган давр оралиғида вилоят қишлоқ хўжалигида биронта ҳам ортиқча ишчи кучи бўшамаган. Аксинча, айнан шу тармоқда 4,6 минг кишилик янги иш ўринлари ташкил этилган. Бу эса вилоятдаги меҳнат ресурслари муаммоларини ҳал этишга ижтимоий­иқтисодий ривожланишни юксалтиришга хизмат қилади.
Сирдарё вилояти мамлакат ҳудудий меҳнат тақсимотида қишлоқ хўжалигининг баъзи тармоқларини ривожлантириш учун етарлича шароит ва имкониятлари борлиги туфайли келажакда минтақалар иқтисодиётида алоҳида ўрин эгаллаш зарур.