Мавзу: Молиявий қонунчиликнинг аҳамияти ва унинг ўзига хос хусусиятлари маърузанинг натижалари

Молиявий-режали актлар - бу давлат ва маҳаллий ҳокимият органларининг молиявий фаолияти жараёнида қабул қилинадиган актлар бўлиб, маълум бир даврда молия соҳасидаги аниқ вазифаларни ўзида ифода этади, яъни молиявий маблағларни тўплаш, тақсимлаш ва фойдаланиш бўйича режалар бўлиб ҳисобланади.

4. 
   МАЪРУЗАНИНГ АСОСИЙ МАСАЛАЛАРИ:
   

Молия ва давлатнинг молиявий тизими.
Ҳар бир давлат ўзининг мустақил молиясига эга бўлмоғи лозим. Ўзбекистон Республикаси мустақилликка эришгандан сўнг нафақат сиёсий мустақилликка, балки шу жумладан иқтисодий мустақилликка, яъни Ўзбекистон Республикаси ўзининг молиясига ва ўзининг миллий даромадига эга бўлди. Ўзбекистон Республикасининг молияси мамлакатимиз иқтисодий тизимининг муҳим ва ажралмас қисми бўлиб, унинг таркибий элементи ҳисобланади. Иқтисодиётнинг ривожланиши - унинг молиясини юксалиш йўналишларини белгилаб беради ва мустаҳкамлаб боришига ижобий таъсир кўрсатади. Иқтисодиётимизнинг тараққиётини белгилаб берувчи асосий кўрсатгичлардан бири - бу миллий даромаддир. Миллий даромаднинг ўсишига мамлакат саноати, қишлоқ хўжалиги ва бошқа тармоқларнинг узлуксиз ривожланиши сабаб бўлади. Молияни мустаҳкамлаш мураккаб вазифалардан бири бўлиб, бу вазифани бажармасдан туриб мамлакатимизни ҳимоя қилиш, маданий ва хўжалик ривожланишини таъминлаш ва бозор иқтисодиёти шароитига қадам қўйиш мумкин эмас.
Молия – пул муносабатларининг ажралмас қисми ҳисобланади. Унинг роли ва аҳамияти пул муносабатларининг иқтисодий муносабатларда тутган ўрни билан белгиланади. Шуни алоҳида таъкидлаб ўтиш лозимки, молия пул муносабатларининг ҳаммасини ҳам қамраб олмайди. Молияга фақатгина пул жамғармаларини ташкил этиш, ундан фойдаланиш ва уни тақсимлаш билан боғлиқ бўлган ижтимоий муносабатлар киради.
Молия икки йўналиш бўйича функцияланади:
1) давлат ва маъмурий-ҳудудий тузилмаларнинг марказлашган пул жамғармаларини тўплаш, тақсимлаш ва фойдаланиш билан боғлиқ бўлган иқтисодий пул муносабатлари;
2) корхоналар, муассасалар, ташкилотларнинг марказлашмаган пул жамғармалари муомиласига хизмат қилувчи иқтисодий муносабатлар.
Ўзбекистон Республикасининг молиявий тизимини қуйидаги бўғинлар (институтлар) ташкил қилади: