Mavzu: Ona-Vatan

21- dars

Mavzu: Do'stlikni qadrlang (sahna-dars)

Maqsad:

a) ta'limiy: o'quvchilarga do'stlikni qadrlash va do'stlashish odobi haqida tushuncha berish;

b) tarbiyaviy: o'quvchilarda do'stlikni qadrlash va do'stlashish odobini egallashga rag'bat uyg'otish;

d) rivojlantiruvchi: o'quvchilarda do'stlikni qadrlash ko'nikmalarini rivojlantirish.

Darsning uslubi: noan'anaviy dars (sahna-dars elementini qo'llagan holda).

Darsning jihozi: darslik, qo'shimcha adabiyotlar, sahna ko'rinishi uchun kerakli bo'lgan kiyim va jihozlar, mavzuga oid rasmlar.

Dars texnologiyasi

Dars elementlari	I	II	III	IV	V	VI	VII	VIII	IX
Davomiyligi	2	3	5	10	10	10	2	2	1

Texnologik xarita

Mavzu	Do'stlikni qadrlang
Maqsad va vazifalar	O'qituvchi: o'quvchilarga do'stlikni qadrlash va do'stlashish odobining ahamiyatini anglatish.
Dars jarayonining borishi	Tashkiliy qism. Darslikdan "Buni bilib oling" shartli belgisi orqali taqdim etilgan matnni o'qitish. Rivoyatni ifodali o'qish va tahlil qilish. Dam olish daqiqasi. Darslikdan jumboq-rebusni yechish (javob: oshim so'zi). Darsni yakunlash. O'quvchilar bilimini baholash. Uyga vazifa topshirish.
O'quv jarayonini amalga oshirish texnologiyasi	Uslub: an'anaviy (ayrim interfaol metodlar qoilangani holda). Shakl: sinf-dars. Texnologik usul: sahna ko'rinishi. Vosita: darslik, rasm. Nazorat: frontal, yakka.
Kutilayotgan natijalar	O'qituvchi: o'quvchi­larda chin do'stlik tushunchasini shakllantirish.	O'quvchi: do'stlashish va do'stlikning qadriga yetishning go'zal fazilat ekanligini anglash.
Kelgusi rejalar	O'qituvchi: o'quvchi­larda do'stlikka sodiq qolishga nisbatan barqaror rag'batni vujudga keltirish.	O'quvchi: do'stlikka intilish tuyg'usini rivojlantiradi.

Darsning borishi:

I. Dars tashkil etiladi.

II. Uyga berilgan vazifa so'raladi.

III. Yangi dars mavzusi e'lon qilinib, do'stlashish odobi haqida tegishli ma'lumotlar beriladi.

IV. O'qituvchi olib kirgan rasm (ikki bola qo'l olishib ko'rishmoqda) va savol-topshiriqlar asosida suhbat o'tkaziladi.

V. Dam olish daqiqasi.

VI. O'quvchilar tayyorlab kelgan sahna ko'rinishi namoyish etiladi: sahna ko'rinishida uch o'quvchi ishtirok etadi. O'quvchilarning biri muallif, biri Alisher Navoiy, biri Sulton Husayn rolini ijro etadilar. Muallif o'quvchilarga murojaat etib: "Aziz do'stlar, mana, do'stlikni qadrlash va do'stlashish odobi haqida bilib oldingiz. Lekin do'stlashganingizda Navoiy bobomizning o'z do'stlarini sazoyi bo'lishdan saqlab qolish uchun qanday yo'l tutganlarini esingizdan chiqarmang".

VII. Muallif timsolidagi o'quvchi: darsligimizda Dono bobo o'gitlarida aytilganidek: "Kimning do'sti ko'p bo'lsa, uning yaxshi fazilatlari ko'payadi. Aqlsiz va dangasa bilan do'st bo'lma, chunki bunday qusurlar yuqumli bo'ladi. Agar do'stlashsang, ularga yomon odatlarini yo'qotishga yordam ber!"

VIII. O'qituvchi darsni yakunlab, darsda faol ishtirok etgan o'quvchilarni rag'batlantiradi.

IX. Uyga vazifa qilib, darslikda berilgan maqollarni yodlab kelish topshiriladi.

22- dars

Mavzu: Do'st tanlash va tanishuv qoidalari. (Integrativ dars: ushbu dars tarbiyaviy soat bilan uyg'unlashtirilib o'tiladi)