Mavzu: Ona-Vatan

Mavzu: Mulkini saqlagan xor bo'lmas (noan'anaviy dars)

Maqsad:

a) ta'limiy: o'quvchilarga mulk haqida ma'lumot berish;

b) tarbiyaviy: o'quvchilarda mulk tushunchasiga to'g'ri yondashish odobini tarkib toptirish;

d) rivojlantiruvchi: o'quvchilarda mulkdorlik madaniyatini shakllantirish.

Dars uslubi: an'anaviy dars, multimedia-dars (kompyuterdan foydalanish asosida)

Dars jihozi: mavzuga oid rasmlar, kompyuter animatsiyali rasmlari.

Dars texnologiyasi

Dars elementlari	I	II	III	IV	V	VI	VII	VIII	IX	X	XI	XII
Davomiyligi	2	3	5	5	5	5	5	5	3	5	1	1

Texnologik xarita

Mavzu	Mulkini saqlagan xor bo'lmas
Maqsad va vazifalar	O'qituvchi: o'quvchilarda mulk haqida tushunchalarni tarkib toptirish
Dars jarayonining borishi	Tashkiliy qism. Uy vazifasini so'rash. O'qituvchining yangi dars mavzusi bo'yicha kirish so'zi. Darslikdan "Buni bilib oling" shartli belgisi bilan berilgan matnni ifodali o'qish. Dam olish daqiqasi. Kompyuter vositasida animatsiyali suhbat. Darslikdan matnni ifodali o'qish. Matn mazmuni bo'yicha suhbat. Jumboqni yechish. Darsni yakunlash. Uyga vazifa berish.
O'quv jarayonini amalga oshirish texnologiyasi	Uslub: noan'anaviy (kompyuterlashtirilgan dars); Shakl: sinf-dars. Texnologik usul: o'quvchilar fikrini faollashtirish. Vosita: darslik, rasm. Nazorat: frontal, yakka.
Kutilayotgan natijalar	O'qituvchi: darsning maqsadiga erishish.	O'quvchi: mulk haqida zarur tushunchalarni bilish.
Kelgusi rejalar	O'qituvchi: o'quvchi­larda mulkka munosabat odobini vujudga keltirish.	O'quvchi: mulkni asrash tushunchasini anglash.

Darsning borishi:

I. Mashg'ulot kompyuter xonasida o'tkaziladi. O'qituvchi darsga oldindan tayyorgarlik ko'rib, kompyuterga mulk haqidagi animatsiyali rasmlar va qo'shiq dasturini kiritadi (kompyuter bilan o'tiladigan saboqlar uchun 20 daqiqadan ortiq vaqt ajratilmasligi zarur).

II. Darsni tashkil qilish.

III. O'qituvchi o'tilgan dars mavzusi asosida olingan bilimlarni mustahkamlash uchun jamoat joylarida o'zini tutish odobi haqidagi "Buni bilib oling" shartli belgisi orqali berilgan matnni o'quvchilardan so'raydi.

IV. O'qituvchi yangi dars mavzusini e'lon qilib, kirish so'zida quyidagilar haqida so'zlaydi: "Aziz o'quvchilar, biz bugun siz bilan mulk tushunchasi haqida suhbatlashamiz. Har birimizning yashaydigan uyimiz, ro'zg'or ishlari da foydalanadigan buyumlarimiz bor. Ular qulay va tinch yashashimiz, kishilarga yaxshilik qilishimiz uchun juda zarur. O'z mulkimizni avaylab-asramasak, qadrlamasak, shu mulkni yaratgan kishilarga, uni sotib olgan insonga nisbatan behurmatlik qilgan bo'lamiz. Shuning uchun mulkni asrab-avaylashimiz, undan to'g'ri foydalanishimiz lozim".

V. Darslikdan "Buni bilib oling" shartli belgisi bilan berilgan matn o'qiladi va savollar asosida suhbat o'tkaziladi.

VI. Dam olish daqiqasi: kompyuterdan mulkka to'g'ri munosabatda bo'lish haqida qo'shiq tinglanadi.

VII. Kompyuter vositasida animatsiyali rasmlar asosida suhbat o'tkaziladi.

VIII. Darslikdan Munavvar Qori Abdurashidxonovning "Molning qadrini saxiy bilur" matni o'qiladi.

IX. Matn mazmunini o'rganish uchun qator savollar asosida suhbat o'tkaziladi.

X. Darslikdan rebus-jumboq yechiladi (javob: kes so'zi).

X. O'qituvchi darsni xulosalab, darsda faol qatnashgan o'quvchilar bilimini rag'batlantiradi.

XII. Uyga vazifa: darslikda berilgan maqolni yodlash va izohlab berishga tayyorlanib kelish.