Менежмент тадқИҚотларини ривожлантиришда ахборот-коммуникацион технологиялардан фойдаланиш

Иш тузилмасининг тавсифи: Тадқиқот иши кириш, уч боб, умумий хулоса, фойдаланилган адабиётлар рўйҳати ҳамда иловалардан иборат бўлади. Илмий тадқиқот ишининг кириш қисмида мавзунинг долзарблиги, объекти ва предмети, мақсади ва вазифалари, илмий янгилиги, масалалари ва фаразлари, тадқиқот натижаларининг назарий ва амалий аҳамияти, иш тузилмаси тавсифи ёритиб берилди. Асосий қисм 3 бобдан иборат бўлиб, биринчи бобида Менежмент тадқиқотларида АКТ дан фойдаланиш самарадорлигини оширишнинг назарий-услубий асослари ёритилади. Иккинчи бобда менежмент тадқиқотларини ривожлантиришнинг инновацион фаолиятини бошқариш тизимини жорий этиш таҳлили амалга оширилади. Учунчи бобда ҳозирги шароитда менежмент тадқиқотларини ривожлантириш асосида инновацион фаолиятни бошқариш самарадорлигининг истиқболлари асослаб берилади. Уч боб бўйича ёритилган маълумотлар юзасидан хулоса қилиниб илмий тадқиқот иши доирасида илмий таклиф ва амалий тавсиялар ишлаб чиқилади.

I-БОБ. МЕНЕЖМЕНТ ТАДҚИҚОТЛАРИНИ РИВОЖЛАНТИРИШДА АХБОРОТ-КОММНИКАХИОН ТЕХНОЛОГИЯЛАРДА ҚЎЛЛАНИЛИШИНИНГ НАЗАРИЙ-УСЛУБИЙ АСОСЛАРИ

1. 
   Менежмент назарияси шаклланиши ва ривожланишининг илмий асослари
   

Бошқариш таьлимотидаги йўналишлар
Бошқариш назариясининг дастлабки куртаклари қадим замонларга бориб тақалиб, Ю. Сезар, А. Македонский, Туркистонда эса ўрта аср даврида Амир Темур ҳукмронлиги вақтидан бошлаб шакллана бошлаган. Дастлабки пайтларда у оддий бўлиб, асосан ҳарбий тавсифга эга эди.
Ўша давр менежерлари ҳарбий интизомни ўрнатиш мақсадида одамларни жазо билан қўрқитиш, ҳар қандай буйруқ ва фармонларга сўзсиз итоат этиш каби усулларни қўллаганлар. Бундай бошқарувга меҳнат ресурсларидан фойдаланиш, улардан иложи борича кўпроқ қўшимча қиймат ундиришнинг ғоятда самарали усули, деб қаралган. Амир Темур даврида марказлашган, интизомли давлатнинг барпо этилганлигига ҳам Соҳибқироннинг ўз қўл остидагиларни "қўрқув билан умид ўртасида ушлаш" бўйича бошқаргани сабаб бўлган.
Капитализм тузумининг бошланғич даврида тадбиркор-мулк эгаси ишлаб чиқаришни ўзининг шахсий тажрибасига таяниб бошқарган. ХVIII асрнинг охирларида Англияда бўлган саноат инқилоби бошқарувга бўлган қизиқишни янада кучайтиради. Бошқарув ходимларини тайёрлашга алоҳида эьтибор берила бошланди.
Аммо ХIХ асрнинг иккинчи ярми ХХ аср чегарасида техника ва технологиянинг такомиллашуви, ишлаб чиқаришнинг кескин ўсиши бошқаришни мураккаблаштириб юборади ва уни махсус билимларини талаб этувчи, фаолиятнинг махсус соҳасига айлантирди. Ушбу муаммоларни ҳал этиш учун бошқарув соҳасидаги тажрибани умумлаштириш, ишлаб чиқариш ва ходимларни бошқаришнинг самарали усулларини излашга олиб келди. Натижада бошқарув тўғрисидаги илм, фан вужудга келди.
Ўша даврдан бошлаб то бугунги кунга қадар бошқарув таьлимотида қуйидаги тўртта йўналиш (мактаб) эволютсион тарзда ривожланган ва ўзининг тегишли ҳиссасини қўшган (1-жадвал).