Metall oksid nanostrukturalarni sintezlash va ularning fotokatalitik xususiyatlarini o‘rganish Magistr akademik darajasini olish uchun yozilgan dissertatsiya

Tadqiqotning asosiy masalalari va farazlari. Sintezlangan Metall oksid nanostrukturalarni zararlangan suvga aralashtirgan holda unga ultra binafsha yorug‘lik nurini ta’sir ettirib suvdagi zararli moddalarni parchalanishini o‘rganish hamda ular haqida ilmiy malumotlar olish.
Mavzu bo‘yicha qisqacha adabiyotlar taхlili: Ishda muammo dolzarbligi, ilmiy yangiligi va olib borilgan tadqiqotlarni amaliy ahamiyati asosida oхirgi 10-15 yil davomida butun dunyoning yetuk olimlari tomonidan olib borilgan ilmiy izlanishlari adabiyotlar sharhida keltirilgan. Bunda nanokatalizatorlar olinishi va fizik-kimyoviy хossalariga oid 63 ta adabiyot sharhlandi.
Tadqiqotda qo‘llanilgan metodikaning tavsifi. Tajribaviy ishlar tadqiqot metodikasi bo‘lib хizmat qiladi. Zamonaviy tadqiqot usullaridan foydalaniladi. Skanlovchi elektron mikroskopiya, XRD analiz.
Tadqiqod natijalarining nazariy va amaliy ahamiyati: Olingan ZnO nanostrukturalardan foydalanib suvni ultrabinafsha nur ta’sirida fotokatalitik parchalab vodorod olishda qo‘llash imkoniyatini beradi. Shuningdek, olingan nanomateriallar suvni va havoni turli zararli organik birikmalardan fotokatalitik tozalash tehnologiyasida samarali qo‘llanilish imkoniyati mavjud.
Adabiyotlar. Dissertatsiya materiallariga ko‘ra 4 ta tezis respublika ilmiy konferensiyalarida chop etilgan.
Ish tuzilmasining tavsifi. Magistrlik dissertatsiyasi kirish, 3 ta bob, xulosalar va foydalanilgan adabiyotlar ro‘yxatidan iborat.
Magistrlik dissertatsiyasining birinchi bobida suvni fotokatalitik parchalash jarayoni mexanizmlari, fotokatalizator materialni tanlash va ZnO nanostrukturalarni sintezlash usullariga bog‘liq adabiyotlar tahlili keltirilgan.
Dissertatsiyaning ikkinchi bobi eksperimental qism bo‘lib, bu bobda ZnO nanostrukturalarini gidrotermal usulda sintezlash jarayoni, olingan namunalarni morfologiyasini va mikrostrukturasini tadqiq etishda qo‘llanilgan uskunalar xamda fotokatalitik xossalarini o‘rganishda qo‘llanilgan eksperimental qurilmalar tuzilishi va ishlash prinsiplari bayon qilingan.
Magistrlik dissertatsiyasining uchinchi bobida olingan natijalar va ularning tahlili keltirilgan. Bunda, sintez qilingan ZnO nanostrukturalarini tashqi tuzilishi va kristallografik xossalari o‘rganilgan. Sintezlangan ZnO nanostrukturalarni fotokatalitik xossalari metil ko‘k bo‘yog‘ini ultrabinafsha nur yordamida parchalash orqali o‘rganilgan. Natijalarda turli morfologiyaga ega bo‘lgan nanostrukturalar turlicha fotokatalitik xossaga ega eakanligi ko‘rsatilgan va boshqa adabiyotlarga tayangan holda ilmiy asosda tushuntirilgan.