Microsoft office programmasi

Hu’jjetlerdi saqlaw

 Hu’jjet tayar bolg’annan son’ onı saqlap qoyıw lazım. Bunın’ ushın «Fayl» menyuindegi «Soxranit kak» buyrug’ın isletemiz:

Ekranda payda bolg’an aynanı analiz etip shıg’ayıq. Papka aynasında hu’jjetti eslep qalıw lazım bolg’an katalog yaki disk atı turadı. Su’wrette «Moi Dokumentı» katalogi keltirilgen. Eger dizimnen katalog­tın’ atı almastırılmasa, kompyuter ha’miyshe hu’jjetti «Moi Dokumentı» katalogına saqlaydı. Eger hu’jjetti disketada saqlaw talap etilse, dizimnen disk atı tan’lap alınadı (Disk 3,5 A).

«İmya fayla» aynasında hu’jjetke at beriledi. Onı kirill yaki latın alipbesinde beriwin’iz mu’mkin. At bir so’zden; ga’pten, sannan ibarat bolıwı mu’mkin. «Tip fayla» aynasida fayl tu’ri tan’lanadı. Ol doc, rtf, html fayl yaki Word redaktorının’ aldıng’ı versiyalarında saqlanıwı mu’mkin.

Barlıq za’ru’r mag’lıwmatlar kiritilgennen son’, «Soxranit» tu’ymesi basıladı. Eger qandayda bir qa’telik o’tip ketken bolsa, «Otmena» tu’ymesi basıladı.

«Papka» aynasınan keyin jaylasqan pikto­grammalar to’mendegilerdi bildiredi:

—
bir bag’ana joqarı o’tiw, yag’nıy katalogtın’ ishinen joqarı qatlamg’a shıg’ıw;

— «İzbrannoe» katalogın tan’law;

— jan’a katalog jaratıw;

— katalog ha’m fayllardı dizim ko’rinisinde su’wretleydi;

— katalog ha’m fayllardı tablitsa ko’rinisinde (ko’lemi, jaratılg’an sa’nesi, waqtı ha’m t.b.) su’wretlew;

— katalog ha’m fayllardın’ qa’siyetlerin payda etiw;

— buyrıqlar ha’m rejimler piktogramması.

Bul hu’jjetti qayta islew tamamlang’annan keyin onı jabıw za’ru’rligi tuwıladı. Bunın’ ushın «Fayl» menyuindegi «Zakrıt» buyrug’ın aktivlestiriw lazım.

Programma jumısın tamamlamastan barlıq ashılg’an fayllardı jabıw ushın SHIFT tu’ymesin basıp, «Fayl» menyuinde «Zakrıt vse» buyrug’ın aktivlestiriw kerek.