Mikrobiologiya va immunologiya

Mikrobiologiya

Umumiy	Xususiy
Mikroblarning:	Tibbiyot mikrobiologiyasi
Anatomiasi (tarkibi)	Veterinariya mikrobiologiyasi
Fiziologiyasi	Bakteriologiya
Biokimyosi	Virusologiya
Genetikasi	Mikologiya
Evolyusiyasi	Protozoologiya
Ekologiyasi	Sanitariya mikrobiologiyasi
	Klinik mikrobiologiya
	Qishloq xo’jalik mikrobiologiyasi
	Dengiz mikrobiologiyasi
	Kosmik mikrobiologiyasi
	Sanoat (biotexnologiya)

Mikroorganizmlarning umumiy xususiyatlarini, hayot faoliyati umumiy qonuniyatlari va ularning tabiatdagi rolini umumiy mikrobiologiya, mikroblar dunyosining alohida vakillarini xususiy mikrobiologiya o’rganadi.

Tibbiyot mikrobiologiyasi odamlar uchun patogen mikroblarni (bakteriyalar, viruslar, patogen zamburug’lar, soddalilar va h.k.)
Veterinariya mikrobiologiyasi tibbiyot mikrobiologiyasi bilan chambarchas bog’liq, chunki ko’pgina infeksion kasalliklarning qo’zg’atuvchilari hayvonlar va odamlar uchun umumiy hisoblanadi. Demak, veterinariya mikrobiologiyasi qishloq xo’jalik, uy va yovvoyi hayvonlar, odam va hayvonlar uchun umumiy bo’lgan kasalliklarning qo’zg’atuvchilarini hamda chorvachilik yem - xashak va oziq ovqat mahsulotlarini ishlab chiqarishda muhim ahamiyatga ega bo’lgan mikroorganizmlarni o’rganadi.
Bu fan bakteriyalar, viruslar, patogen zamburug’lar, rikketsiyalar, mikoplazmalar, xlamidiyalarni tekshiradi. Veterinariya mikrobiologiyasining ma’lumotlariga asosan hayvonlarning yuqumli kasalliklariga diognoz qo’yish, ularni maxsus profilaktika qilish, davolash tadbirlarini ishlab chiqaradi.
Qishloq xo’jalik mikrobiologiyasi o’simliklarni zararlaydigan mikroorganizmlarni o’rganadi.
Dengiz mikrobiologiyasi – dengiz, okean va boshqa suv havzalarida yashovchi mikroblarni o’rganadi.
Kosmik mikrobiologiya – kosmos mikrodunyosi vakillarini o’rganadi.
Sanoat mikrobiologiyasi – biotexnologiyaning asosini tashkil etib, bunda mikroblardan sanoat asosida har xil biomahsulotlar (vaksina, ferment, diagnostikum, nuklein kislotalari va h. k.) olish uchun foydalaniladi.
Mikrobiologiyaning har bir yo’nalishi, tarmog’i uning maqsadi, vazifasi va o’rganilayotgan mikrodunyoning o’ziga xosligiga mos ravishda farqlanadi.
Bakteriologiya – bakteriyalarning hayot faoliyati, ular chaqiradigan infeksion kasalliklarga bakteriologik diagnoz qo’yish, kasallikning oldini olish bilan shug’ullanadi.
Virusologiya- alohida fan sifatida viruslarning hayot faoliyati, ular chaqiradigan kasalliklar, ularga virusologik usullarda diagnoz qo’yish, kasallikning oldini olish bilan shug’ullanadi.
Mikologiya – mikroskopik zamburug’larni organadi.
Protozoologiya –soddalilar chaqiradigan kasalliklar, ularga diagnoz qo’yish, kasallikning oldini olish bilan shug’ullanadi.