Mjtk. 27-modda. Musodara qilish

JPK.284-modda. Jinoyat narsalarini davlat egaligiga o‘tkazish
Jinoyat narsasi bo‘lgan mol-mulk, basharti avvalgi egasiga qaytarib berilishi lozim bo‘lmasa, sud hukmi bilan davlat egaligiga o‘tkaziladi. Bu mol-mulk topilmagan bo‘lsa, sud hukmi bilan, jinoyat ishi tugatilgan bo‘lsa, sudning fuqaroviy sud ishlarini yuritish tartibida chiqargan hal qiluv qaroriga ko‘ra uning qiymati davlat foydasiga undiriladi.

JPK. Sharh 1. Жиноят натижасида етказилган зиённи қоплаш учун жиноят нарсаларини давлат эгалигига ўтказиш суд ҳукми асосида амалга оширилади. Жиноят предмети, хусусан, жиноят содир этиш қуроллари ва жиноят орқали эришилган мол-мулк эгасига қайтарилиши, агарда бу мумкин бўлмаса давлат эгалигига ўтказилиши лозим.
2. Жиноят нарсаси бўлган мол-мулк башарти топилмаган, жиноят иши эса суд ҳукми билан тугатилган бўлса, ушбу мол-мулкнинг қиймати давлат фойдасига ундирилади.

O‘zbekiston Respublikasi Oliy sudi Plenumining 2000-yil 28-apreldagi 8-sonli “Valyuta qimmatliklarini qonunga xilof ravishda olish yoki o‘tkazishga doir ishlar yuzasidan sud amaliyoti to‘g‘risida”gi qarorining 13-bandi.

Gumon qilinuvchiga, ayblanuvchiga, sudlanuvchiga qarashli bo‘lgan jinoyat narsalari deb topilgan valyuta qimmatliklarining davlat egaligiga o‘tkazilishi masalasi Jinoyat-protsessual kodeksining 211, 284, 285-moddalari tartibida hal qilinishi lozim.

JPK.285-modda. Jinoiy yo‘l bilan orttirilgan mol-mulkning bundan buyon kimga tegishli bo‘lishini belgilash
Ayblanuvchi tomonidan jinoiy yo‘l bilan orttirilgan pullar, buyumlar va boshqa boyliklar sud hukmi bilan yetkazilgan mulkiy ziyonni qoplash uchun sarflanadi, ziyonni qoplashdan ortgan summa esa, davlat foydasiga o‘tkaziladi.
Jinoyat narsasi bo‘lmish mol-mulk uchinchi shaxslarda topilib, ulardan tortib olingan va tegishligiga qarab, qaytarilgan bo‘lsa, sudlanuvchi tomonidan ushbu mol-mulkni sotish yo‘li bilan orttirilgan pullar, buyumlar va boshqa boyliklar sud hukmi bilan davlat egaligiga o‘tkaziladi. Mol-mulkni insofli egallovchiga bu mol-mulk egasiga qaytarilishi natijasida yetkazilgan ziyonni undirish haqida mahkumga nisbatan fuqaroviy sud ishlarini yuritish tartibida da’vo qo‘zg‘atish huquqi tushuntiriladi.