Молиявий ижара (лизинг) шартномаси

2. Лизинг муддати

2.1. 1.1-бандда кўрсатилган мол-муклар ЛИЗИНГ ОЛУВЧИГА уни қабул қилиб олган санадан бошлаб _____ой муддатга, яъни «___» ________ 20___ гача молиявий лизингга топширилади.

3. Мол-мулкларни қабул қилиб олиш

3.1 Ушбу шартнома бўйича етказиб бериладиган мол-мулкларни қабул қилиб олиш – етказиб берилган жойда ЛИЗИНГ БЕРУВЧИнинг вакили иштирокида ЛИЗИНГ ОЛУВЧИ томонидан амалга оширилади.

3.2 Мол-мулкларни қабул қилиб олиш – тижорат контрактида назарда тутилган мол-мулкларни етказиб беришнинг бутлиги ва унинг техник иқтисодий кўрсаткичларига мувофиқлигини тасдиқловчи Қабул қилиш далолатномаси билан расмийлаштирилади.
Қабул қилиш далолатномаси ЛИЗИНГ ОЛУВЧИ, ЛИЗИНГ БЕРУВЧИ ва маҳсулот етказиб берувчиларнинг вакиллари томонидан имзоланади.
3.3 Қабул қилиш тадбирларига боғлиқ харажатларни ЛИЗИНГ ОЛУВЧИ тўлайди.
3.4 Қабул қилиб олинган мол-мулкнинг аниқланган камчиликлари Қабул қилиш далолатномасида акс эттирилади. Бунда ЛИЗИНГ БЕРУВЧИ камчиликларнинг тузатиш муддатини кўрсатиш билан биргаликда бартараф этишга ҳам топшириқ беради.
Камчиликни бартараф этиш мумкин бўлмаса, маҳсулот етказиб берувчи камчилиги бор мол-мулкни ўз ҳисобидан алмаштиришга мажбур.
3.5 ЛИЗИНГ ОЛУВЧИ камчиликлари бўлган мол-мулкдан меъёрида фойдаланиш мумкин бўлмаган ҳолда уни қабул қилишни рад этса,
у ЛИЗИНГ БЕРУВЧИни (албатта аниқлаган камчиликлари, дефектини кўрсатган ҳолда ва далиллари билан) ёзма равишда хабордор қилиб қўйиши лозим. Кўрсатилган далиллар ЛИЗИНГ БЕРУВЧИга мол-мулкнинг олди-сотди шартномасини бекор қилиш ҳуқуқини беради.
3.6 Мол-мулкларни қабул қилиш маҳсулот етказиб берилган санадан бошлаб ўттиз кун ичида Қабул қилиш далолатномаси билан расмийлаштирилиши лозим. Агар кўрсатилган муддатда ЛИЗИНГ ОЛУВЧИ Қабул қилиш далолатномасини имзоламаса ва бу вақтнинг ичида ушбу шартноманинг 3.5-бандига мувофиқ қабул қилишни рад этиш тўғрисида
арз қилмаса, қабул қилинган деб ҳисобланади.
3.7 Лизинг олувчи мол-мулкларни қабул қилиб олингандан кейин маҳсулот етказиб берувчига нисбатан ЛИЗИНГ БЕРУВЧИнинг барча ҳуқуқларини ўз зиммасига олади ва ЛИЗИНГ БЕРУВЧИнинг барча зарарлар ҳамда судга даъво аризаси билан мурожаат қилиш билан боғлиқ ҳоллардан озод қилади. ЛИЗИНГ ОЛУВЧИнинг мол-мулкларни қабул қилиб олиш санасидан бошлаб мол-мулкларнинг сифати борасидаги ЛИЗИНГ БЕРУВЧИга нисбатан ҳар қандай бевосита ёки билвосита талаблари рад қилинади.
3.8 Тарафлар мол-мулкнинг Қабул қилиш далолатномасини имзолаш вақтида у қандай бўлса, шу ҳолда ЛИЗИНГ ОЛУВЧИга топширилган деб ҳисоблайдилар.