Молиявий ижара (лизинг) шартномаси

8. Форс-мажор ҳолатлар

8.1 Тарафлар ушбу шартномага кўра мажбуриятларни бажармаганлиги учун, агар бундай бажармаслик амалдаги қонун ҳужжатларига кўра форс-мажор ҳолатлари билан боғлиқ деб тан олинса, жавобгарликдан озод бўладилар. Бундай ҳолларда шартномада кўрсатилган мажбуриятларни бажариш бўйича белгиланган муддатлар форс-мажор ҳолатлари давом этган муддатдан кейинги даврга ўтказилади.

8.2 Шартнома бўйича мажбуриятларни бажариш учун тўсиқ пайдо бўлган тараф юқорида кўрсатилган ҳолатларнинг бошланиши ҳамда тамом бўлиши тўғрисида, улар бошланган ва тамом бўлган вақтдан бошлаб ўн кундан кечиктирмай бошқа тарафга ёзма шаклда хабар беришга мажбур.


9. Низоларни ҳал этиш

9.1 Агар тарафлар ушбу шартномани бажармаслиги натижасида ёки

у билан боғлиқ юзага келадиган барча низолар ва келишмовчиликлар ўзаро келишув йўли билан келишувга эришилмаса, мазкур низо ва келишмовчиликлар қонун ҳужжарларига мувофиқ хўжалик суди томонидан ҳал қилинади.


10. Бошқа шартлар

10.1 Шартномага киритиладиган барча қўшимча ва ўзгартишлар ёзма равишда расмийлаштирилиб, тарафлар томонидан имзоланади.

10.2 Шартномадан келиб чиқмайдиган тарафлар ўртасида янги мажбуриялар келтириб чиқарувчи ҳар қандай келишувлар шартномага қўшимча шаклда тарафлар томонидан ёзма равишда тасдиқланган бўлиши лозим.
10.3 Шартнома имзолангандан кейин тарафлар ўртасидаги барча олдинги ёзма ва оғзаки келишувлар, музокара ҳамда ёзишмалар, агар шартномада уларга ҳавола қилинмаса, ўз кучини йўқотган деб ҳисобланади.
10.4 Ушбу шартнома тўрт нусхада тузилиб имзоланди.
10.5 Ушбу шартномага барча иловалар унинг ажралмас қисми бўлиб ҳисобланади ва уларсиз шартнома юридик кучга эга эмас.
10.6 Тарафларнинг бирортаси ҳам ушбу шартнома бўйича ўз ҳуқуқ ва мажбуриятларини бошқа тарафнинг ёзма розилигисиз учинчи шахсларга беришга ҳақли эмас.


11. Шартноманинг бекор қилиниши

11.1 Шартнома унинг амалда бўлиш муддатининг ўтиши бўйича ёки шартномани бекор қилиш ҳолларида тугайди.

11.2 Шартнома тарафларнинг келишуви бўйича ёки агар тарафлардан бири уни бекор қилиш тўғрисида судга ариза берганда, суднинг қарори бўйича бекор қилиниши мумкин.
11.3 ЛИЗИНГ БЕРУВЧИ қуйидаги ҳолларда шартномани бекор қилишга ҳақли:
а) мол-мулкнинг олди-сотди шартномаси кучга кирмаса ёки ЛИЗИНГ ОЛУВЧИга мол-мулкни етказиб бергунга қадар ҳар қандай сабаб бўйича бекор қилинган бўлса;
б) маҳсулот етказиб берувчи ЛИЗИНГ ОЛУВЧИга мол-мулкни етказиш имконияти бўлмаганда ёки етказиб бериш ҳар қандай сабабга кўра рад қилганда.
Агар мазкур банднинг “а” ва “б” бандларида назарда тутилган ҳолларда шартнома бекор қилинганда, ЛИЗИНГ БЕРУВЧИ ва ЛИЗИНГ ОЛУВЧИ ушбу шартнома бўйича ўзаро мажбуриятлардан озод бўлади.
в) ЛИЗИНГ ОЛУВЧИ ўттиз кундан ошмаган муддатнинг ичида ушбу шартномада назарда тутилган ҳар қандай тўловларнинг тури бўйича
ўз мажбуриятларини бажармаса;
г) ЛИЗИНГ ОЛУВЧИ қарзларини тўлаш (бунга кечиктирганлик учун ундириладиган пеняни қўшиб) ҳақида талабнома олганидан бошлаб 3 (уч) ҳафта ичида қарзини узмаса;
д) ушбу шартноманинг амалда бўлиш даврида ЛИЗИНГ ОЛУВЧИнинг фаолияти қонун ҳужжатларида белгиланган тартибда тугатилган бўлса.
мазкур банднинг “в” ва “д”-бандларида кўрсатилган сабабларга кўра шартнома бекор қилинганда, ЛИЗИНГ ОЛУВЧИ битимни ёпиш суммасини ЛИЗИНГ БЕРУВЧИга қуйидагиларни қўшган ҳолда тўлашга мажбур:
а) шартнома муддатининг тамом бўлиш вақтида, агар унда мол-мулкнинг қолдиқ қиймати бўйича қайта сотиб олиш назарда тутилган бўлса, мол-мулкнинг қолдиқ қийматини;
б) ЛИЗИНГ ОЛУВЧИнинг барча қарзлари, шунингдек, ЛИЗИНГ ОЛУВЧИга шартнома бўйича барча тўланган лизинг тўловларининг суммаларини;
в) неустойкаларни.
11.4 Лизинг шартномасининг предмети бўлган мол-мулкнинг олди-сотди шартномаси мол-мулкни етказиб бериш учун жавобгарлик ЛИЗИНГ ОЛУВЧИга ўтиши билан бекор қилинади.
11.5 ЛИЗИНГ ОЛУВЧИ мол-мулкларни қабул қилиб олишда уни меъёрида фойдаланишни истисно қилувчи камчиликларни аниқлаб бўлмаган ҳолларда, ушбу шартномани бекор қилишни талаб қилишга ҳақли.
ЛИЗИНГ ОЛУВЧИ ушбу шартномани бекор қилиш талаби тўғрисида мол-мулкни етказиб бериш тамом бўлган вақтдан бошлаб, 30 (ўттиз) кундан кечиктирмай ЛИЗИНГ БЕРУВЧИни ёзма шаклда хабардор қилишга мажбур.