Mualliflik dasturiy ta’minoti

O‘quv dasturining o‘ziga xosligi

Code.org har qanday yoshdagi odamlar uchun keng turdagi o‘quv materiallarini taklif qilar ekan, har bir darsning yaratilishida quyidagi xususiyatlarni singdirib boradi.

Informatika har bir o‘quvchi uchun asos vazifasini bajaradi.
Bizning fikrimizcha, kompyuterni tushunish va jamiyatda ishtirok etishi, har bir o‘quvchi uchun zamonaviy ta’limning bir qismi sifatida o‘rganish juda muhimdir. Biz kompyuter fanini erkin san’at, o‘quvchilarga atrofdagi dunyoni talqin qilishda tanqidiy nuqtai nazar beradigan fan sifatida qaraymiz. Kompyuter savodxonligi barcha o‘quvchilarni texnologiya sohasida karyerasini davom ettiradimi yoki yo‘qmi, tobora ko‘proq rivojlanib borayotgan jamiyatimizning faol va axborotli ishtirokchilari bo‘lishiga tayyorlaydi. Kompyuter savodxonligi nafaqat malakaga berish, balki hayotni o‘zgartirishi mumkin.


Sinf xonalarida O‘qituvchilar
O‘quvchilar tajribali o‘qituvchi yordamida eng yaxshi ma’lumotlarga ega bo‘lishiga ishonamiz. Biz sinf materiallarini ishlab chiqamiz va o‘qituvchilarga o‘quvchilarning bilimlarini qo‘llab-quvvatlashdagi muhim rollarini tushunishlari va bajarishlari uchun yordam beramiz. O‘qituvchilar o‘z o‘quvchilarini yaxshi bilganliklari sababli, biz ularga turli xil pedogogik yondashuvlarni tavsiya qilsak va qo‘llab-quvvatlasak ham o‘quv rejasi doirasida tanlov qilishlariga vakolat beramiz. Ko‘plab o‘qituvchilar kompyuter savodxonligida yangi bo‘lganligi uchun, bizning resurslarimiz ularning ehtiyojlariga mos ravishda ishlab chiqilgan.


O‘quvchilarni jalb qilish va o‘qitish
O‘ylaymizki, o‘quvchilar ichki motivatsiyaga ega bo‘lsa yaxshiroq o‘rgana boshlaydilar. Biz o‘quvchi hayoti bilan bog‘liq bo‘lgan ta’limga ustuvor ahamiyat beramiz va o‘quvchilarga chinakam tanlovni ta’minlaymiz. Biz o‘quvchilarni qiziquvchan bo‘lishiga, shaxsiy muammolarini hal qilishga va ijod orqali o‘zlarini ifoda etishga undaymiz. O‘rganish tabiatan ijtimoiy faoliyatdir, shuning uchun biz darslarni munozaralar, taqdimotlar, o‘zaro tanishish va umumiy fikrlash bilan birlashtiramiz. O‘quvchilar bizning yo‘limiz bo‘ylab harakatlanayotganda, biz o‘z savollarini tuzadigan, o‘z yechimlarini ishlab chiqadigan va o‘z ishlarini tanqid qiladigan o‘quvchilar oldidagi ma’suliyatni ko‘paytiramiz.


Tenglik
Kompyuter fanidagi tarixiy tengsizlikni tan olib yoritib berish, o‘quvchilarga informatika fanini yetkazish maqsadimiz uchun juda muhim deb hisoblaymiz. Biz o‘qituvchilarga bu sohadagi tenglikni ma’lum kamchiliklarini tushuntirishga va hal qilishga yordam beradigan vositalar va strategiyalarni taqdim etamiz. Ba’zi o‘quvchilar va sinflar boshqalarga qaraganda ko‘proq yordamga muhtoj, lekin birinchi navbatda juda ham muhtoj bo‘lganlarga ustunlik berish kerak, deb bilamiz. Barcha o‘quvchilar oldindan bilimli yoki imtiyozlardan qat’iy nazar, to‘g‘ri qo‘llab-quvvatlash va imkoniyatlar yordamida informatika fanida muvaffaqiyat qozonishlari mumkin. Biz kompyuter fanida vujudga kelgan va o‘quvchilarni ortga surayotgan streotiplarni yo‘q qilish va ahamiyatini tushirishga intilamiz.