Mundarija kirish 2

5 foiz.

2. 
   Amalga oshirilgan asosiy o‘zgarishlar:
   

a) soliq organlari tomonidan oldingi hisobot davri asosida foyda solig‘i bo‘yicha bo‘nak to‘lovlarini hisoblanishi amaliyoti saqlab qolingan holda soliq to‘lovchiga kelgusi chorakning birinchi oyi 10 sanasiga qadar joriy chorakda kutilayotgan foyda summasidan kelib chiqib bo‘nak to‘lovlari summasi to‘g‘risida soliq organlariga ma’lumotnoma taqdim etish huquqi berildi;
b) rieltorlik xizmatini ko‘rsatuvchi shaxslarga aylanmadan olinadigan soliq bo‘yicha soliq stavkasi 25 foizdan 13 foizga pasaytirildi;
v) o‘zini o‘zi band qilgan jismoniy shaxslar mehnat staji hisoblanishi uchun yiliga bazaviy hisoblash miqdorining kamida bir baravari miqdorida ixtiyoriy tartibda to‘lanishi belgilandi;
g) aksiz solig‘i stavkalari Soliq kodeksi bilan belgilandi.
d) neft mahsulotlari ishlab chiqarish va import qilish uchun aksiz solig‘i stavkalari unifikatsiya qilinib, mutlaq miqdorda so‘mda belgilandi.
Shu bilan birga 2021 yilda aksiz solig‘i stavkalari bir marta 2021 yil
1 fevraldan indeksatsiya qilindi.
Yakuniy iste’molchiga neft mahsulotlarini sotishda to‘lanadigan aksiz solig‘i stavkalari ham 2021 yil 1 fevraldan 15-22 foiz miqdorida indeksatsiya qilindi.
e) respublikada ishlab chiqariladigan sigaret uchun aksiz solig‘i stavkasi yil davomida 2 bosqichda 2021 yil 1 fevraldan va 2021 yil 1 oktyabrdan - 7,5 foizga indeksatsiya qilindi.
Tamaki mahsulotlari importi va mahalliy ishlab chiqaruvchilarga aksiz solig‘i stavkalarini bosqichma–bosqich birxillashtirish maqsadida, import qilib olib kiritayotgan tamaki mahsulotlariga aksiz solig‘i yil boshidan 15 foizga kamaytirilib, mutlaq miqdorda belgilandi.
yo) alkogol mahsulotlari, shu jumladan pivoga aksiz solig‘i stavkalari ham - 2 bosqichda 2021 yil 1 fevraldan va 2021 yil 1 oktyabrdan - o‘rtacha
7,5 - 8 foizga indeksatsiya qilindi.
j) 73 turdagi tovarlar importi bo‘yicha aksiz solig‘i stavkalari bekor qilindi, xususan elektrotexnika mahsulotlari (muzlatgichlar, konditsionerlar, kir yuvish mashinalari), traktorlar va yarim tirkamalar, oziq-ovqat mahsulotlari (margarin, qandolat va boshqa mahsulotlari) bo‘yicha va h.k;
z) mobil aloqa xizmatlariga aksiz solig‘i stavkasi 20 foizdan 15 foizgacha pasaytirildi.
i) ishlab chiqaruvchilar tomonidan turistik yo‘nalishlarda tashkil etilgan degustatsiya hududlarida (joylarida) realizatsiya qilinadigan tabiiy vino (shisha idishdagilardan tashqari) mahsulotlari aksiz solig‘i ob’ekti hisoblanmasligi belgilandi.

3. 
   Ayrim toifadagi to‘lovchilar uchun majburiy tartibda QQS to‘lanishi joriy etilishini inobatga olgan holda aylanmadan olinadigan soliq tatbiq etilmaydigan shaxslar ro‘yxati kengaytirildi. Xususan, quyidagi toifadagi soliq to‘lovchilar uchun aylanmadan olinadigan soliq tatbiq etilmasligi belgilab qo‘yildi:
   

• 
  alkogol mahsulotlari, shu jumladan pivoni chakana sotish bo‘yicha turg‘un savdo shoxobchalari;
  
• 
  bozorlar va savdo komplekslari.
  

Shu bilan birga, 2021 yilda ham davom etayotgan koronavirus pandemiyasi oqibatida zarar ko‘rgan tadbirkorlik su’beklari va aholini ijtimoiy himoya qilish maqsadida, bir qator choralar ko‘rildi, xususan:

• 
  2021 yil 31 dekabrgacha bo‘lgan davr uchun turoperatorlar, turagentlar va turizm sohasida mehmonxona xizmatlari ko‘rsatuvchi sub’ektlar uchun foyda solig‘i stavkasi 50 foizga kamaytirildi, ijtimoiy soliq esa 1 foiz stavkada belgilandi, yuridik shaxslarning mol-mulkidan olinadigan soliq hamda yuridik shaxslardan olinadigan yer solig‘i to‘lashdan ozod qilindi;
  
• 
  O‘zbekiston Respublikasi hududiga olib kirishda 20 ta turdagi tovarlar (oq va boshqa shakardan tashqari) bo‘yicha bojxona bojining nol darajali stavkasini qo‘llash muddati 2021 yilning 31 dekabrgacha uzaytirildi;
  

– 2021 yil 1 oktyabrdan boshlab sement (klinker) ishlab chiqarishni amalga oshiruvchi korxonalar uchun belgilangan 20 foizlik foyda solig‘i stavkasi 15 foizga pasaytirildi.
Bundan tashqari, 2021 yil 1 maydan 31 dekabrga qadar o‘simlik yog‘i, kungaboqar va zig‘ir urug‘i, shuningdek soya danagini olib kirish qo‘shilgan qiymat solig‘idan ozod qilindi.
Yuqoridagilardan kelib chiqib, shuningdek boshqa omillar hisobiga 2021 yilda Davlat byudjeti daromadlarining kutilayotgan ijrosi quyidagicha bo‘lishi kutilmoqda.