Mundarija kirish 2

Davlat byudjeti xarajatlarining 2022 yilgi prognozi va 2023–2024 yillar uchun mo‘ljallari 67

Davlat maqsadli jamg‘armalari hamda Tiklanish va taraqqiyot jamg‘armasi daromadlari va xarajatlarining 2022 yil uchun prognozi va 2023–2024 yillar uchun mo‘ljallari 100

4. 
   Davlat byudjeti barqarorligini ta’minlash hamda byudjet samaradorligi va natijadorligini oshirish 107
   

1. 
   Davlat byudjeti barqarorligini ta’minlash maqsadida “Fiskal qoidalar”ni ishlab chiqish 107
   
2. 
   Davlat byudjeti xarajatlarining samaradorlik indikatorlarini belgilash 110
   
3. 
   Byudjet jarayonida fuqarolarning faol ishtirokini ta’minlashni takomillashtirish 111
   
4. 
   Davlat qarzini boshqarish siyosati 114
   

KIRISh
Mamlakatni kelgusi davrda ijtimoiy-iqtisodiy rivojlantirishning asosiy yo‘nalishlarini nazarda tutuvchi hujjat bo‘lib hisoblanadigan Byudjetnoma O‘zbekiston Respublikasining Byudjet kodeksiga muvofiq ishlab chiqilgan va quyidagilarni o‘z ichiga oladi:
O‘zbekiston Respublikasining 2020 yil uchun asosiy makroiqtisodiy yakunlari va 2021 yilda kutilayotgan prognozlar;
O‘zbekiston Respublikasi konsolidatsiyalashgan byudjetining loyihasini ishlab chiqishda foydalanilgan asosiy makroiqtisodiy ko‘rsatkichlarning o‘rta muddatli davr uchun prognozlari;
O‘zbekiston Respublikasi konsolidatsiyalashgan byudjetining 2021 yildagi ijrosining prognozlari hamda 2022 yil uchun Davlat byudjetining va davlat maqsadli jamg‘armalari byudjetlarining, Tiklanish va taraqqiyot jamg‘armasi daromadlari hamda xarajatlarining loyihasini va 2023–2024 yillar uchun byudjet mo‘ljallari;
sohalar bo‘yicha rivojlanishning asosiy yo‘nalishlari, maqsadlari, vazifalari, sifat va miqdor ko‘rsatkichlari;
davlat qarzining holati to‘g‘risidagi ma’lumotlarni o‘z ichiga olgan.
O‘zbekiston Respublikasining o‘rta muddatga mo‘ljallangan soliq va byudjet siyosati aholini ijtimoiy himoya qilish, tadbirkorlik sub’ektlarini qo‘llab-quvvatlash, iqtisodiyotning raqobatbardoshligini, investitsiyaviy jozibadorlikni va ishbilarmonlik faolligini rag‘batlantirishga qaratilgan Hukumat tomonidan so‘nggi besh yilda amalga oshirilgan islohotlarni davom ettirishga qaratilgan.
Shundan kelib chiqib, 2022–2026 yillardagi soliq va byudjet siyosatining asosiy yo‘nalishlari sifatida, uzoq muddatli barqaror rivojlanishni ta’minlash va aholi faravonligini oshirish uchun, inson kapitalini rivojlantirish, kambag‘allikni qisqartirish, “Yashil iqtisodiyot”ni rivojlantirish, byudjet xarajatlarini barqaror rivojlantirish maqsadlariga bog‘lash, “natijaga yo‘naltirilgan byudjet” tizimini bosqichma- bosqich to‘laqonli joriy etish, “yashirin iqtisodiyot”ni qisqartirishga qaratilgan chora-tadbirlarni belgilash, samarasiz soliq va bojxona imtiyozlarni bekor qilish kabilarni keltirish mumkin.
Shuningdek, 2022 yilda xalqaro moliya tashkilotlari tavsiyalariga muvofiq rejalashtirilayotgan islohotlarning aniq maqsadlari, vazifalari va asosiy yo‘nalishlarini bir hujjatda birlashtiradigan 2020 – 2024 yillarda O‘zbekiston Respublikasining davlat moliyasini boshqarish tizimini takomillashtirish strategiyasi ishlab chiqildi. Byudjetnomada ushbu tasdiqlangan Strategiyaga muvofiq amalga oshirilayotgan va rejadagi ishlar ham yoritilgan.
Xususan, so‘nggi yillarda Davlat byudjeti ma’lumotlarining ochiqligi, fuqarolarning byudjet jarayonidagi ishtirokini oshirish hamda byudjet jarayoni ustidan parlament nazoratini kuchaytirishga qaratilgan bir qator ishlar amalga oshirilmoqda.
Davlat byudjeti va davlat maqsadli jamg‘armalari byudjetlarini ilg‘or xorijiy tajribadan kelib chiqib, xalqaro standartlarga muvofiq tayyorlangan qonun bilan tasdiqlash, Davlat byudjetidan ajratiladigan mablag‘lar, davlat qarzining holati, soliq va bojxona imtiyozlari hamda ularning miqdori to‘g‘risidagi ma’lumotlarni veb-saytlarda joylashtirish mexanizmi ishlab chiqilganligini shular jumlasiga kiritish mumkin.
Shuningdek, Moliya vazirligi tomonidan “Fuqarolar uchun byudjet” axborot nashri jamoatchilik muhokamasi uchun e’lon qilina boshlandi.
Davlat byudjetining shakllanishi va hududlarning ijtimoiy-iqtisodiy rivojlanish loyihalarini ishlab chiqish jarayoniga aholini faol jalb etish hamda joylardagi dolzarb muammolarni hal etishda jamoatchilik ishtirokini kengaytirish maqsadida barcha tuman va shaharlar hokimliklari qoshida Fuqarolar tashabbusi jamg‘armalari tashkil etilib, ushbu jamg‘armalarga barcha tuman va shaharlar byudjetlarining 5 foizi miqdorida mablag‘lar jamlanib, fuqarolarning tashabbusi asosida tanlab olingan loyihalarni moliyalashtirish uchun yo‘naltirilishi belgilandi.

1. 
   Mamlakatni ijtimoiy-iqtisodiy rivojlantirishning 2020 yilgi ijrosi, 2021 yilgi kutilayotgan yakunlari hamda 2022–2024 yillar uchun