Mundarija kirish 2

Iqtisodiyotni qo‘llab-quvvatlash maqsadida:

• 
  investitsiya kiritish tartibini soddalashtirish, amaldagi qonunchilikni tartibga solish, barcha iqtisodiyot agentlariga teng sharoitlar yaratish, shaffoflikni oshirish;
  
• 
  pandemiya davrida ko‘p talofat ko‘rgan tarmoqlar uchun soliq to‘lovlaridan imtiyozlar qo‘llash;
  
• 
  xorijiy investorlar ko‘p jalb qilinadigan neft-gaz, tog‘-kon, mashinasozlik va to‘qimachilik sohalaridan tashqari, qishloq xo‘jaligi, moliya va bank sektori, qurilish hamda telekommunikatsiya sohalariga ham investitsiyalarni jalb qilishni jadallashtirish;
  
• 
  o‘rta muddatli istiqbolda jalb qilinayotgan va qilingan davlat qarz mablag‘larini samarali loyihalarga yo‘naltirish;
  
• 
  barqaror tartibga solingan bashorat qilish imkonini beruvchi tarif siyosatini tashkil etish asosida investitsiyaviy muhitni yanada yaxshilash (biznes vakillari ishonchini oshirish);
  
• 
  byurokratik to‘siqlarni yanada qisqartirish hamda davlat boshqaruvi faoliyatiga zamonaviy boshqaruv tamoyillarini joriy qilish asosida ma’muriy xarajatlarni pasaytirish;
  
• 
  uzoq muddatli jamg‘armalar va kreditlash siyosatini yanada takomillashtirish bo‘yicha yangi tizimlarni joriy etish asosida investitsiya foliyatini moliyalashtirish uchun arzon manbalar hajmini oshirish;
  
• 
  jahon bozori kon’yunkturasiga mos investitsiya loyihalarni faol amalga oshirish orqali mehnat resurslariga talabni oshirish, shu bilan birga, mehnat unumdorligini oshirish orqali aholi daromadlari o‘sishini ta’minlash (bunda, sun’iy intellekt, iqtisodiyotning turli sohalarida samarali platformalardan
  

foydalanishni kengaytirish, bandlikni ish haqi past va mehnat talab sektorlardan xizmatlarning ish haqi yuqori sohalarga yo‘naltirish).
Shu bilan birga, xalqaro hamjamiyatda O‘zbekiston iqtisodiyotiga katta qiziqish bildirilishi bilan bir qatorda, o‘rta muddatli istiqbolda ichki va tashqi muhit o‘zgarishi bilan bog‘liq ayrim xatarlar mavjudligi ko‘rinmoqda:
geosiyosiy keskinlashuv, OPEK mamlakatlari tomonidan olib borilayotgan cheklov choralarining davom etishi, pandemiya ta’sirida yalpi talabning pasayishi sababli jahon iqtisodiyoti o‘sishiga salbiy ta’sirlar O‘zbekiston iqtisodiyotini o‘rta muddatli prognozlashtirishda xavflar bo‘lishi ehtimoliga olib keladi;
qo‘shni Afg‘onistonda davlat to‘ntarishi natijasida siyosiy nobarqarorlik yuzaga kelganligi hamda asosiy donor mamlakatlar tomonidan ushbu mamlakatga moliyaviy yordamning to‘xtatilganligi natijasida mamlakatda ijtimoiy- iqtisodiy ahvolning tangligi;
tovar-xomashyo va moliya bozorlarida siklli o‘zgarishlarning davom etishi mamlakat eksport imkoniyatlariga salbiy ta’sir ko‘rsatishi va xorijiy kapital oqimiga to‘sqinlik qilishi mumkin;
mamlakatimiz savdo hamkorlari tomonidan import mahsulotlarga talabning pasayishi, shu bilan birga, xalqaro savdo munosabatlari keskinlashuvi mamlakatimizning jahon bozoriga kirishini cheklashi mumkin;
inson kapitali va foydalanilayotgan texnologiyani rivojlantirishga, ishlab chiqarish omillari samaradorligining o‘sishiga qat’iy talab qo‘yadigan global bozor raqobat muhitining kuchayishi. Bu esa mutlaqo yangi g‘oyalarni amalga oshirish, innovatsiyalarni amaliyotga joriy etish va yuqori malakali kadrlarni rag‘batlantirish kabi masalalarning dolzarbligiga olib keladi;
jadal sur’atlar bilan o‘sayotgan mehnat resurslarining bandligini ta’minlash, faoliyati to‘xtab qolgan tarmoqlarda faoliyat yuritgan mehnat resurslarini qayta malakalash iqtisodiyotdagi asosiy masalalardan biri bo‘lib, investitsiya resurslarini jalb qilish va mehnat sig‘imi yuqori korxonalarni tashkil etish uchun qulay sharoit yaratishni talab etadi;
sanoatlashtirish jarayonining o‘sishi, yangi tabiiy xomashyo konlarining o‘zlashtirilishi hamda atrof-muhit va suv resurslaridan haddan ortiq foydalanilishi global ekologik muammolarni yuzaga keltirib, barqaror rivojlanish vazifalari va maqsadlarining o‘z vaqtida amalga oshirilishini talab qiladi.

3. 
   Mamlakatni ijtimoiy-iqtisodiy rivojlantirishning