Mundarija kirish 3 I bob. Adabiyotlar sharhi

III.3. Ajratib olingan melaninni eruvchan holatga oʻtkazish.........................51
III.4. Ajratib olingan melaninning tuzilishini zamonaviy fizik tadqiqot usul-lari yordamida tahlil qilish...................................................................51
XULOSA 53
FOYDALANILGAN ADABIYOTLAR ROʻYXATI 54
KIRISH
Magistrlik dissertatsiyasi mavzusining asoslanishi va dolzarbligi:
Mamlakatimizda kimyo, biologiya va tibbiyot fanlarini rivojlantirish, ushbu yoʻnalishlarda taʻlim sifati va ilm-fan natijadorligini oshirish “Ilm, maʻrifat va raqamli iqtisodiyot yili” Davlat dasturining ustuvor vazifalari qatorida belgilangan. Zero, oʻgʻil-qizlarimizni kimyo va biologiya fanlari boʻyicha chuqur oʻqitish hududlarda yangi-yangi ishlab chiqarish korxonalarini barpo etish, yuqori qoʻshilgan qiymat yaratadigan farmatsevtika, neft, gaz, kimyo, togʻ-kon, oziq-ovqat sanoati tarmoqlarini jadal rivojlantirishga turtki beradi hamda pirovardida xalqimiz turmush sharoiti va daromadlarini oshirishga puxta zamin hozirlaydi. Zamonaviy kimyoviy moddalar koʻplab moddalarni sintez qilishda samarali hisoblansa-da, koʻpgina biologik faol birikmalarning asosiy manbai hanuzgacha tabiiy xom-ashyo hisoblanadi. Binobarin, tabiiy xom-ashyo tarkibidan turli biologik faol moddalarni ajratib olish jarayonini oʻrganish va intensivlashtirish alohida e’tiborga loyiqdir.
Afsuski, ekstraksiya qilishning an’anaviy usullari juda koʻp vaqt va mehnat talab qiladi, shuningdek, bunday usullar yetarli samaraga ega emas.
Bugungi kunda yuzaga kelgan qiyin ekologik vaziyat tabiiy xom-ashyoni qayta ishlashga yangicha yondashishni taqazo etmoqda: ya’ni hozirda xom-ashyoni toʻliq ishlatish usullariga zaruriyat bor. Xususan, ekstraksiya jarayoni uchun ratsional texnologik moslamalarni tanlash toʻgʻrisida savol tugʻilishi tabiiy. Tabiiy materiallardan turli xil biologik faol moddalarni ajratib olishda ultratovush taʻsiridan foydalanish yangi va istiqbolli usullardan biridir. Xom-ashyoning tabiiy tuzilishini saqlab, uning ahamiyatli tarkibiy qismlarining unumdorligini suyuq fazada maksimal darajada olish uchun, har bir turdagi xom-ashyoga ultratovushli ishlov berishning optimal rejmlarini tanlashga individual yondashish talab etiladi.
Oʻzbekiston Respublikasi Fanlar Аkademiyasi O.O.Sodiqov nomidagi Bioorganik kimyo institutining “Biologik faol makromolekulyar tizimlar laboratoriyasi”da zamburugʻlar ustida har tomonloma ilmiy izlanishlar olib borilmoqda. Ushbu dissertatsiya ishi ana shu izlanishlarning davomi hisoblanadi.