N. Hakimov, E. Abdullayev, F. Halimov, A. Xamidova umurtqasizlar zoologiyasidan amaliy mashg’ulotlar

b) Amyobaning tuzilishini o’rganish. Amyobani sitoplazmasida bir nechta ovqat hazm qiluvchi vakuolalar bo’ladi. Shuningdek, amyobani ekto va endoplazmasi qavatlariga e’tibor bering. Ular doimo harakatda bo’ladi. Amyobani sinchiklab kuzatganda, u harakatlanib borayotgan yo’nalishida biron bir oziqa zarrasiga duch kelsa, uni soxta oyoqlari bilan o’rab, qamrab (fagositoz) olishi va hazm qilish vakuolasini hosil bo’lishiga e’tiborni qarating.

c) Amyobaning qisqaruvchi vakuolasini toping. U sitoplazmada bitta va ancha yirik pufakcha shaklida. U normal sharoitda har 5-8 minutda bir marta qisqarib maxsus mikrokanalchasi orqali o’zidagi suyuqlikni tashqariga chiqarib turadi. Tirik amyobada qisqaruvchi vakuolani suyuqlik bilan to’lishi va qisqarishini kuzating. Oddiy amyobani umumiy tuzilishi rasmini daftarga chizing va tana qismlarini ifodalab qo’ying.