Ishni bajarish 1-ish. a) Amyobaning xarakatini kuzatish. Ushbu ishni bajarish uchun laboratoriyada oldindan tayyorlangan tirik amyobalar namunasidan tomizgich bilan bir tomchi suv (namuna tubidan) olinib buyum oynasi ustiga tomiziladi va qoplagich oyna bilan yopiladi. Tayyorlangan preparat mikroskopning buyum stolchasiga quyilib kichik obyektivda amyoba topiladi va katta (40x) obyektivga o’tkaziladi. Amyobani aniqroq ko’rish maqsadida mikroskopning yorug’lik maydoni biroz qorong’ilashtiriladi. Buning uchun diafragmani yorug’lik o’tkazuvchi teshigi kichraytiriladi. Amyobani kuzatganda uning shakllanuvchi va yo’qolib boruvchi soxta oyoqlariga e’tibor berish kerak. Bir vaqtning o’zida sitoplazmani harakatiga e’tibor berish kerak. Bunda hosil bo’layotgan soxta oyoqlar ichiga sitoplazma oqib kirishini ko’rasiz. Ko’rilgan o’zgarishlarni barchasini daftarga chizib qo’ying.