Саноат майдончаларида заҳарли моддалари мавжуд бўлган қувурўтказгичларни ер остидан ўтказилиши мумкин эмас, тўсиқларгача бўлган кириш ва чиқиш манифолд участкалари бундан истисно этилади.
Бино ва иншоотлар остида заҳарли суюқликли муҳандис тармоқларини жойлаштириш мумкин эмас.
Заҳарли суюқлик ва газли ер усти муҳандис тармоқларини очиқ лотокларда ва майдончаларнинг режадаги белгилардан пастроқдаги траншеяларда ва ярим чуқурлаштирилган турдаги тоннел ва каналларда жойлаштириш мумкин эмас.
Майдондаги заҳарли суюқлик қувурўтказгичлари ер усти транзит тармоқларини бино ўтга чидамлилигига қарамай, деворлари ва томи бўйлаб жойлаштириш мумкин эмас.
Заҳарли суюқлик ва газли қувурўтказгичларни объектга кирадиган темир йўллари билан кесилиши мумкин эмас, икки томонлама қуйиш-тўкиш темир йўл эстакадаларига тортилган маҳсулот ўтказгичлар бундан мустасно.
Икки ёки ундан кўп эвакуация чиқишлари бўлганда, улардан бирини кўрсатилган хоналарга хизмат кўрсатиш учун муҳандислик ускуналари жойлашган, атмосферага зарарли моддалар ажралиб чиқмайдиган хонанинг энг узоқ нуқтасидан эвакуация чиқиши жойигача 25 m дан ошмаса, ходимларни одамлар доимо бўлмайдиган хоналар орқали ўтиши кўзда тутилиши мумкин.
Атмосферага зарарли моддалар чиқиш эҳтимоли йўқ, ҳамда кўрсатилган манбалари бўлмаган саноат майдончаси ҳудудида жойлашган ташқи қурилмалар бино ва хоналар учун, А ва Б категорияли хоналар ва улардаги тамбур-шлюзлар билан боғлиқ бўлган битта эвакуация чиқиш йўли назарда тутилишига рухсат этилади.
Ҳавога нисбатан зичлиги 0,8 дан ортиқ бўлган зарарли моддаларни атмосферага чиқиш эҳтимоли бор манбаларга, ҳамда ёнувчан ва водород сулфидли суюқликлар тўкилиб кетиш эҳтимолли манбаларга эга бўлган ташқи қурилма ҳудудларида ва хоналарда кабел жойлаштириш учун чуқурлашган канал ва тоннеллар (кейинчалик кўмилиб ташланадиганлардан ташқари) ўтказиш мумкин эмас.
Чуқур тоннел ва каналларда буғўтказгич ва иссиқ сув ўтказгичларни, ёнувчан ва заҳарли моддали қувурўтказгичлар, шу жумладан йиғиш тизими ва водород сулфидли саноат оқоваларидан қайта фойдаланиш учун мўлжалланган қувурўтказгичлар билан бирга жойлаштириш тақиқланади.
Атмосферага зарарли моддалар ажралиб чиқиши ва зарарли суюқликлар тўкилиб кетиш эҳтимоли бор бино ва ташқи қурилмалар ҳудудларида ертўла (подвал), тоннел ва каналлар қуриш мумкин эмас.
Одамларни эвакуация қилиш йўлларини, зарарли моддалар ажралиб чиқиш эҳтимолли манбалар бор иншоотлар ва ташқи қурилма ҳудудлари орқали ўтказишга рухсат этилмайди.
Чуқур ва ертўла хоналардан чиқиш йўлларини атмосферага зарарли моддалар ажратиб чиқиш манбалари мавжуд, ҳамда заҳарли суюқликлар тўкилиши эҳтимоли бор хоналар ва ташқи қурилмалар ҳудудига жойлаштириш тақиқланади.
Агар эвакуация чиқиш йўлларини бевосита ташқарига чиқариш мумкин бўлмаса, улардан бирини кўрсатилган хоналарда заҳарли суюқликлар, ТАС ва ЁС тўкилиш манбалари бўлмаса, Г ва Д категорияли хоналар орқали ўтиш мумкин.