Олабўжи романдан катта хикоя

вожиб! Бироқ менга кўп ёрдамлариям тегди. У киши бўлмаганда, бу 
бино қайда эди!... Махфират опа оми аёл... 
– Кечирасиз, – деди Ултон бошини дадил кўтариб. – Тўқлибой ака 
билан шунчалик яқин экансиз... – (Баҳорнинг уйчасида магнитофондан 
эшитган қўшиқлари ёдига тушиб кетган эди.) – Наҳотки жума куни 
бўладиган тўй-базм ҳақида айтмадилар? 
Хуррам карахт тортгандек қотди-ю бирдан ҳушёрланиб: 
–Мабодо сизнинг тўйингиз эмасми? – деб сўради. 
– Ҳа, – деди Ултон. 
Хуррам унга фавқулодда шундай ёниқ бир меҳр билан боқиб 
ўрнидан қўзғалдики, стулни айланиб келиб: 
– Бир қучоқлайин! – деди. – Ана... Мен кўп ўйлар эдим. – Ултонни 
бағридан бўшатмай давом этди: – Сиз билмайсиз, ака... Сизни ҳеч ким 

---

223 
тушунмайди бу ерда! – Сўнг орқага тортилиб, қўлини тутди. 
– Ўзим хизмат қиламан! Агар рози бўлсангиз... 
Э, э-э, – каловланиб қолди Ултон. – Сиз рози бўлсангиз, айтиш 
учун келиб эдим. 
– Раҳмат, ака. – Хуррам жойига бориб ўтирди. – Сиз ҳаётда 
табиатдек табиий бўлишни яхши кўрасиз-а? 
– Ҳа, – деди Ултон. 
– Биламан. 
Ултон бошини сарак-сарак қилди: бу девона нақ кўнглининг 
остидаги гапни топиб айтади-я! 
– Раҳмат... Ҳозир нима иш қиляпсиз? – бирдан қизиқиб сўради 
Ултон. 
– Ўша-ўша экспонат йиғиш, кулумсиради девона. Сўнг эшикка 
термулиб қолди-да: – Тўй ўтсин, кейин сизга... шу тепани кўрсатаман, – 
деди махфий гап айтаётгандек овозини пасайтириб. – Бу тепа эмас – 
хазина... – Кейин кўзлари олайиб, уқтирди. – Албатта тилло-тангани 
кўзда тутмаяпман. Аммо ундан ҳам бор... 
– Сал очиқроқ айтинг. 
Хуррам юган тортилган отдек бўйнини гаж қилиб: