Олабўжи романдан катта хикоя

кўрсатди Хуррам. – Қўшон императори
13
. Биринчи аср... Бу – Хунишка. 
Канишканинг ўғли. Қаранг, униси – туркча: “кан” ичган, буниси форсча 
– хун” ичган. Демак, икки тилда сўзлашишган... Ўшандаям!.. Бу киши – 
бобомиз Темур! 
– У киши – Ленин, – кулумсиради Ултон. – Сизнингча, буларнинг 
бир- биридан фарқи йўқми? 
– Йўқ экан... – лоқайдгина деди Хуррам. – Тўғри, афт-
башараларида бор, иш тутимларида фарқлар бор, албатта. Лекин булар 
бари – жаҳонгирлар! – Ултон беихтиёр эшикка кўз ташлаганди, Хуррам 
солланиб кулди. – Бу ерда “қулоқ” йўқ. КГБ ҳар қанча бой бўлмасин, 
13
Эрамизнинг I-III асрларида ҳукм сурган империя. Унинг пойтахти Сурхондарёда бўлган. Бу империя 
ўшанда ер юзида ҳукмронлик қилган Хитой, Рим ва Парфия империялари билан тенг турган. 

---

222 
ҳар бир идорага “қулоқ” ўрнатишга кучи етмас экан. Тараканов шундай 
дейди... Ўтиринг, ака. 
Ултон курсига чўкди. 
– Сиз ундай кишилар билан ҳам... бемалол гаплаша оласиз-а? 
Хуррам столга боқиб: 
– Ҳе, ака – деб хўрсинди. – Санъатчилар ҳамма вақт улуғларнинг 
маҳрамидек бўлиб келган. 
– Бундан чиқди, Тўқлибой ака билан ҳам... 
– Яқинлигимиз бор. – Кейин: – У киши сизни ўқитган-а? – деди. 
– Ҳа. – Ултон Хуррамдан ҳам “тўй” хусусида эшитадигандек бўлиб 
ва бу ерга келишлари боисини-да дарҳол айтишни ўйларкан, Хуррам: 
– Бизгаям домла ҳисоб, – дея курси тортиб ўтирди. – Дарс 
бермаганлар... Лекин барибир-да! – Сўнг Ултонга ўйчан боқди. – Сизга 
ёқадилар-а? 
Ултон кулумсиради. 
– Ҳа, энди... Айтмоқчи, сиз у кишининг шеърларини... 
– Ҳа, – Хуррам хокисор табассум қилди – Улуғларнинг амри