O`zbek filologiyasi fakul’teti o`zbek filologiyasi kafedrasi IV kurs kunduzgi bo`lim bitiruvchisi feruz rajabovning

Birinchi bobga oid xulosalar

1.Maqsud Shayxzoda zamonaviy o`zbek adabiyotining zabardast namoyandalaridan biri bo`lib, she`riyat, dramaturgiyamiz taraqqiyotiga ulkan hissa qo`shgan.

2. U butun ijodiy faoliyati davomida ikkita dramatik asar yaratgan. Bular “Jaloliddin Manguberdi” va “Mirzo Ulug`bek” tragediyalaridir.

3. “Jaloliddin Manguberdi”, qisqacha qilib aytganda, “Jaloliddin” ikkinchi jahon urushi yillarida yaratilgan bo`lib, o`zbek xalqining mo`g`ul bosqinchilari ga qarshi mandonavor kurashini o`z badiiy olamida tajassum ettirgan.

4. Ba`zi adabiyotshunoslarning fikricha. “Jaloliddin” tragediya emas, qahramonlik dramasidir. Bizning kuzatishimizcha, bunday nuqtai nazar asossiz bo`lib, mazkur asar tragediya janrining barcha asosiy talablariga to`la javob beradi. Jumladan, “Jaloliddin”da boshdan oxir fojiaviy ruh hukmron, bosh qahramon ham o`ta irodali, o`z qarashlariga sobit irodali ulkan shaxsdir. U aksariyat tragediya qahramonlari kabi tarixiy muhit bilan kelisha olmaydi, o`z e`tiqodida barqaror turadi. To`g`ri, bu qahramon aksar tragediyalardagi markaziy obrazlardan farqli ravishda asar intihosida halok bo`lmaydi. Tirik qolib o`z kurashini davom ettirishga ahd qiladi. Bosh qahramonning tirik qolishi tragediya jannrining mohiyatiga zid emas.