O‘zbekiston davlat jismoniy tarbiya va sport universiteti

I-bob. TIL – MILLIY MA’NAVIYAT KO‘ZGUSI 
1.1. O‘zbekiston Respublikasi “Davlat tili haqida”gi Qonuni 
mazmun-mohiyati. 
Dunyo tamaddunida millatning o‘rnini, xalqning takomil darajasini belgilovchi 
muhim omillardan biri-til. Ona tilining rivoji, unda yaratilayotgan osori-atiqa, 
ma’naviy merosning ko‘pligiga, ona tilini o‘rganish va o‘rgatish ko‘nikmasining 
shakllanishiga qarab millatga baho beriladi. Aslida dunyo bo‘yicha mavjud
7 mingdan ziyod tildan bor-yo‘g‘i 250 ga yaqinigina rasmiy maqom olgani ham shu 
jihat bilan belgilanadi. 
O‘z teran tarixi, takomil bosqichlari, boy ma’naviy merosi va mavqeiga ega 
bo‘lgan o‘zbek tili bayramini har yili 21-oktabr kuni rasman nishonlanishi 
to‘g‘risidagi Prezidentimiz qarori muhim tarixiy ahamiyat kasb etadi. Avvalo, o‘zbek 
tilining salohiyatini oshirish, boyitish, nufuzini yanada yaxshilash, dunyo 
hamjamiyati oldida tilimizning fayz-tarovati va jozibadorligini ko‘rsatishning yangi 
imkoniyat eshiklari ochildi. Zero, Prezidentimiz ta’biri bilan aytganda, globallashuv 
va axborot kommunikasiya texnologiyalari jadal rivoj topayotgan, mustaqil 
O‘zbekiston ochiq va konstruktiv siyosati bilan mintaqamizdagi yirik siyosiy, 
iqtisodiy va madaniy markazga aylanib borayotgan bir pallada o‘zbek tili milliy 
g‘urur, o‘lmas bebaho ma’naviy boylik, buyuk qadriyat, jamiyatimizni ulug‘ 
maqsadlar sari safarbar etadigan qudratli kuchdir.
2
Sho‘ro davridayoq, ya’ni 1989-yil 21-oktabr sanasida “Davlat tili haqida”gi 
qonunni qabul qilinishi bu ma’naviy jasorat va fidoyilik namunasi, O‘zbekistonning 
davlat mustaqilligi sari tashlagan birinchi dadil qadamidir. Ayni shu tilda O‘zbekiston 
Respublikasining davlat mustaqilligi e’lon qilindi. Bosh qomus - Konstitutsiya 
o‘zbek tilida yaratildi. Davlat madhiyasi shu tilda jahon bo‘ylab jarangladi, 100dan 
ziyod millat va elat vakillarining bir osmon ostida yashashiga imkon yaratdi.