Optik izolyator Optik izolyatorning ish prinsipi. Optik izolyator uch elementdan tashkil topgan: qutblantirgich (1), Faradey yacheykasi (2) va analizator (3) chiqish qutblantirgichi.
Optik izolyator sxemasi: a) - to'g'ri yo'nalishdagi foydali signal erkin o'tadi; b) - teskari yo'nalishdagi signal qutblantirgichda yutiladi.
Optik multipleksor va demultipleksorlar spektral sezgir bo'lib, selektiv hisoblanadi, ya'ni ularni xarakteristikalari optik to'lqin uzunligiga bog'liq. To'lqin uzunligi bo'yicha zichlashtirilgan (WDM) tolali optik aloqa tizimlarida har bir uzatuvchi modul lazeri muayyan chastotali signalni generasiyalaydi.
Optik multipleksor/demultipleksorlar To'lqin uzunligi bo'yicha zichlashtirilgan tolali optik aloqa tizimlarida multiplekslash va demultiplekslash jarayonlari.
Optik multipleksor va optik demultipleksor Optik multiplekslash va demultiplekslash kombinatsiyalashgan yoki o'zaro ketma-ket joylashgan tor oraliqli (polosali) filьtrlardan foydalanishga asoslanadi. Multipleksorlar tolali WDM optik aloqa tizimlaridan tashqari, shuningdek, tolali optik kuchaytirgichlarda, mahalliy tarmoqlarda signallarni to'lqin uzunligi bo'yicha marshrutlash chog'ida va boshqa ayrim hollarda ham qo'llaniladi.
Optik kommutatorlar Optik kommutator – bu ma'lum to'lqin uzunligidagi yorug'lik impulslari shaklida taqdim etilgan signallar kommutatoridir. Optik kommutator – tolali optik telekommunikatsiya tarmoqlarining muxim elementlaridan biri bo'lib, u telekommunikatsiya tarmoqlarining optik signallarni o'ta yuqori tezliklarda uzatish qobilyatida ishlashiga imkon beradi va signallarning yo'nalishlari (marshrutlashtirilishi) uchun o'zgaruvchan platformani ta'minlaydi. Signallar STM-1 ga qaraganda yuqoririq darajada marshrutlash-tirilishi va optik darajada samarali ishlov berilishi mumkin. Optik matrisa haqiqatda, elektron matrisaga nisbatan kam quvvat iste'mol qiladi, yuqoriroq tezlikda ulaydi va katta xajmdagi trafiklarni kichikroq murakkablikda ishlov beradi. Optik kommutator telekommunikatsiya tarmoqlarining yuqori unumdorligini, tarmoqning yaxshi ishlashini, xizmat ko'rsatish qiymatining pastligini va optik darajada signallarni marshrutlashtirish rekonfiguratsiyalanuvchi yo'llarni ta'minlaydi.
Optik kommutatorlarning asosiy vazifalari Optik kommutatorlar tarmoqda bir qancha asosiy vazifalarni bajaradi. Tashish (transportirovka) – bir portdan boshqasiga tolali – optik kabelni butun o'tqazish polosasini, chastotalar polosasini yoki aloxida to'lqin kanallarini kommutasiyalash.
Tiklash – tolali – optik kabellarning ishdan chiqqan komponentlarini yoki uzilishlarini chetlab o'tish imkoniyati.
Tarmoqli testlash va boshqarish – sinov asboblarida masalan, vaqt bo'yicha ajratish qobilyatiga ega optik reflektorlarda kommutasiyalanuvchi elementlar uzoqdagi bo'g'inlarda tolali – optik kabellarning to'plamini tekshirish uchun yoki trafikning faolligini uning o'tishini buzmaydigan usul bilan nazorat qilish uchun foydalaniladi.
Optik kommutatorlarning asosiy parametrlari Kommutatorlar quyidagi parametrlar bilan tavsiflanadi: “O'chirilgan “ rejimida “ulangan” rejimiga nisbatan chiqishda kommutasiyalanuvchi signalning susayish koeffitsinenti (kommutatorning turiga bog'liq holda 40-50 dB dan 10 – 15 dB gacha o'zgartirilishi mumkin); Kommutator tomonidan kiritilayotgan yo'qotishlar – kommutator tomonidan vujudga keltiriladigan signalning susayishi; o'tish o'chishi – kerakli chiqishda signal quvvatining qolgan barcha chiqishlardagi signallar quvvatiga nisbati; polyarizatsion yo'qotishlar – kommutatsiyalanuvchi signalning polyarizatsiyasi (qutblantirilishi) natijasida vujudga keltiriluvchi susayishi (kuchsizlanishi).
Ishlab chiqarish texnologiyasiga ko'ra kommutatorlarning quyidagi turlari farq qilinadi:
Optik kommutatorlarning asosiy turlari 1. Mexanik optik kommutatorlar . 2.Elektrooptik kommutatorlar. 3.Akustooptik kommutatorlar. 4.Termooptik kommutatorlar. 5. Yarimo'tkazgichli optik kuchaytirgichlar asosidagi opto elektron kommutorlar
6. Integral aktiv to'lqin elitgich kommutatorlar.
7. Ko'p qatlamli yorug'li kelituvchi suyuqkristall matrisali kommutatorlar.
8. Mikroko'zgular massivi asosidagi kommutator
9. Golografik kommutatorlar 10. Foton kristalli kommutatorlar.
