2020 yilning I choragida rezidentlarning aktivlari va majburiyatlari mos ravishda 435 mln. dollar va 2,4 mlrd. dollarga ortdi. Natijada, mamlakatning sof investision pozisiyasi 2,0 mlrd. dollarga qisqarib, 13 mlrd. dollarni tashkil etdi. O‘rganilayotgan davr mobaynida sof investision pozisiya o‘zgarishining tahlili shuni ko‘rsatdiki, moliya hisobining manfiy saldo bilan shakllanganligi o‘tgan yildagi singari investision pozisiya qisqarishining sababi bo‘lib qolmoqda, o‘z navbatida nooperasion o‘zgarishlar2 sof investision pozisiyaga ijobiy ta’sir qildi.
Xalqaro investision pozisiyaning iqtisodiyot sektorlari bo‘yicha tahlili shuni ko‘rsatdiki, 2020 yilning I choragida davlat boshqaruv va bank sektorlari3 «sof kreditorlar», boshqa sektorlar esa «sof qarzdorlar»4 pozisiyasini saqlab qoldi (14-diagramma).
14-diagramma
IQTISODIYOT SEKTORLARI BO‘YICHA XALQARO INVESTISION POZISIYA
(mlrd. dollar)
Sof investision pozisiya tashqi qarzlarning jalb qilinishi, asosan, davlat sektori tomonidan, hamda savdo kreditlari va bo‘naklarning (kreditor qarzdorlik) sezilarli hajmlari evaziga qisqarish tendensiyasiga ega.
Do'stlaringiz bilan baham: |