O‘zbekiston respublikasi oliy va o‘rta maxsus ta’lim vazirligi navoiy davlat pedagogika instituti boshlang‘ich ta’lim kafedrasi

Tadqiqot obyekti: Boshlang‘ich sinf o’quvchilarining so’z boyligini oshiruvchi izohli, elektron o’quv lug’atlarini yaratish jarayoni.
Tadqiqot predmeti: Boshlang‘ich sinf ona tili va o’qish savodxonligi darslarida o’quvchilarining so’z boyligini oshiruvchi izohli, elektron o’quv lug’atlarini yaratish ustida ishlash.
Tadqiqotning maqsadi: Boshlang’ich sinflarda ona tili dars jarayonlari tashkil etish samaradorligini oshirish, o’quvchilarida so’z boyligini oshirishda izohli, elektron o’quv lug’atlarning alohida o’rni va ahamiyati masalalarini ko’rsatib berish, bu borada amaliy taklif-tavsiyalar ishlab chiqish va elektron o’quv lug’atlarini yaratishdan iborat. Respublikamizdagi barcha umumta’lim maktablarining boshlang‘ich sinf o‘quvchilarini mantiqiy - ijodiy tafakkuri rivojlantirish, kommunikativ savodxonligi oshirishga, so’z boyligini rivojlantirishga, ona tili va o’qish savodxonligi darsida muammoli izlanish va mustaqil ishlash metodi, didaktik o‘yinlarni qo’llashda, noan’anaviy darslar tashkil etishga foydalanish uchun “Rasmli - izohli elektron o’quv lug‘at (Boshlang’ich sinfl Ona tili va o’qish savodxonligi darsligi asosida)” nomli elektron o‘quv lug‘atini yaratish.
Tadqiqot vazifalari: Ilmiy tadqiqot mavzumizning vazifalari quyidagilar bilan asoslash maqsadga muvofiqdir:

• 
  o’quv lug‘atda so‘z ma’nolarini o‘qish, anglashdan tashqari ularning izohi bilan tanishish va misollar yordamida jonliroq tasavvur qilish imkoni bo‘ladi;
  
• 
  izohli-o‘quv lug‘atlari qiyosiy tafakkur va to‘g‘ri yozish ko‘nikmasini shakllantirishga xizmat qiladi;
  
• 
  ymumiy o‘rta ta’lim maktablari boshlang‘ich sinflarida o‘quvchilarida ijodiy tafakkur, ijodiy izlanish, mavjud imkoniyatlardan eng ma’qbulini tanlash, tilimizning boy imkoniyatlaridan nutq sharoitiga qarab to‘g‘ri, o‘rinli va samarali foydalanish;
  
• 
  ona tili va o‘qish savodxonligi fanining malaka va ko‘nikmalarini singdirish, ularni milliy qadriyatlarimiz, udum va an’analarimiz ruhida tarbiyalash;
  
• 
  o‘quv lug‘ati orqali jamiyatimiz, xalqimiz, millatimiz ravnaqining kelajagi, uning gullab yashnashi, bugun maktab partasida o‘tirgan yoshlarning mustaqil turmushga, nutqiy faoliyatga, yuksak madaniyat bilan so‘zlasha olishga, tafakkur qilish faoliyatlarini kengaytirishga, erkin fikrlay olishi, o‘zgalar fikrini anglashi;
  
• 
  o‘quv lug‘ati orqali o‘z fikrlarini og‘zaki va yozma ravishda ravon bayon qila olishi, jamiyat a’zolari bilan erkin muloqotda bo‘la olish ko‘nikma va malakalarini rivojlantirish
  
• 
  Boshlang‘ich sinf o‘quvchilarini so‘z ma’nosi ustida ishlashga o‘rgatish orqali nutqiy kompetensiyalari rivojlatirish bo‘yicha ehtiyojlarni to‘ldirish.