O’zbekiston respublikasi oliy va o’rta maxsus ta’lim vazirligi nizomiy nomidagi tdpu professional ta’lim fakulteti 5110800-tasviriy san`at va muhandislik grafikasi yo’nalishi 2021-2022 O’quv yili uchun ii-semestr dars jadvaliga tahlil dars

Tajriba-sinov ishlarining maqsadi va vazifalari: Tajriba sinov ishlarining asosiy maqsadi – oliy ta`lim muassasalarida tasviriy san'at darslarida bo`lajak tasviriy san`at oqituvchilarini innovatsion texnologiyalar asosida kasbiy kompetentligini shakllantirish, mantiqan fikrlash qobilyatini rivojlantirish metodikasini amalda qo`llab ko`rib, talabalarda kuzatilgan natijalar qay darajada ekanligini aniqlash.
Pedagogik tajriba-sinov ishlari vazifasiga o’rganilayotgan hodisani kuzatishni muntazam o’zgartirish va uning tabiatini aniqlash uchun boshqa hodisalar bilan bog’lanishini o’rnatish, mazkur jarayonni ongli o’rganish va kelib chiqishini bilish kiradi.
Tajriba-sinov ishlarini o’tkazishdan oldin quyidagi vazifalar belgilanadi:
- talabalarga beriladigan topshiriqlar tizimini aniqlashtirish va to’ldirish, ulardan o’quv jarayonida foydalanish uchun metodik ko’rsatmalar ishlab chiqish;
- talabalarga beriladigan topshiriqlar tizimi asosida shakllantiruvchi tajriba-sinov ishlarini o’tkazish;
- shakllantiruvchi tajriba-sinov natijalarini sifat va miqdoriy jihatdan baholashni amalga oshirish.


Tajriba-sinov ishlarini o’tkazishda qo’llaniladigan vositalar, metod va texnologiyalar: Yuqorida keltirilgan vazifalarni bajarish uchun kuzatish, suhbat va so’rovnomalar o’tkazish, tajriba-sinov, ularni tahlil qilish, umumlashtirish kabi tadqiqot metodlari qo’llaniladi. Mavzularni o’qitishda zamonaviy pedagogik texnologiyalardan foydalanish juda muhim hisoblanadi va uni to’laqonli o’zlashtirishga xizmat qiladi. Ayniqsa kompyuter texnologiyasini qo’llab o’qitish samarali hisoblanadi.


Tajriba-sinov ishlarini o’tkazish bosqichlari: Pedagogik tajriba-sinov ishlari, odatda, quyidagi bosqichlarda o’tkaziladi: boshlang’ich , izlanuvchi va yakuniy.
Boshlang’ich tajriba-sinov ishlarining vazifalariga o’qitish amaliyotida tadqiq qilinayotgan ob’ektning holatini aniqlash kiradi. Tajriba-sinov ishlarini o’tkazishda testlardan, nazorat ishlarini o’tkazishdan, sinov va yakuniy bosqichlarda tekshirishga mo’ljallangan o’quv-tarbiyaviy jarayonning jihatlarini kuzatishlar kiradi. Tajriba-sinov ishlarining ushbu bosqichidagi natijalar asosida tadqiqot muammosiga tegishli o’quv-bilish, tarbiyalash sohasidagi hamda mavjud muhim kamchiliklar borligi to’g’risida xulosa chiqariladi.
Izlanuvchi yoki ikkinchi bosqichdagi pedagogik tajriba-sinov ishlarini o’tkazish uchun, o’zlashtirishi deyarli bir xil bo’lgan kamida 2 ta guruh tanlanib, ulardan biri tajriba, ikkinchisi esa nazorat guruhi qilib belgilanadi. Tajriba guruhidagi o’quv-tarbiyaviy jarayonga, tadqiqot maqsadidan kelib chiqib, kerakli o’zgartirishlar kiritiladi, nazorat guruhida esa o’qitish an’anaviy metodika bo’yicha olib boriladi.
Yakuniy pedagogik tajriba-sinov ishlari tadqiqotning oxirgi bosqichi bo’lib, ya’ni o’quv-tarbiyaviy materiallarning samaradorligi yana bir bor sinab ko’riladi.