O‘zbekiston respublikasi oliy va o‘rta maxsus ta’lim vazirligi o‘rta maxsus, kasb hunar ta’limi markazi

Dars hujjatlari

Chet tili fanini o‘qitishda barcha o‘qituvchilarga zarur bo‘lgan hujjatlar majmui talab etiladi. Bunda o‘quv dasturi o‘quvchilarni tilni bilish darajalariga mos ravishda tuziladi. Masalan:

1. 
   B1 darajadagi o‘quvchi nima qila olishi mumkinligini tavsiflovchi o‘quv rejasi;
   
2. 
   mazkur darajadagi o‘quv rejasini bajarish uchun tegishli dastur (mavzular, grammatika, leksika va boshqa til elementlarni o‘z ichiga oladi);
   
3. 
   o‘qituvchilar uchun taklif qilinadigan ish rejasi (yillik, haftalik, kundalik rejalar), shuningdek, tavsiya etiladigan manbalar ro‘yxati;
   
4. 
   ushbu daraja uchun joriy, oraliq va yakuniy baholash me’yorlari.
   

B1 darajasi uchun namunaviy ish reja

I-bo‘lim 1-dars: “Sizning hayotingiz”	O‘quvchi shu mavzu doirasida egallashi zarur bo‘lgan ko‘nikmalar	O‘quv dasturi	Nazorat turlari	Material manbalari, betlar
Eshitish	Ta’limga tegishli yoki kasbiga oid tanish mavzudagi so‘zlasuv nutqini tushunadi. Sohasiga oid mavzularda murakkab nutqning asosiy g’oyasini tushuna oladi.	-	Fikrdagi asosiy mazmunni ilg’ab, qaydlar qilish, munosib ravishda dalillash
Gapirish	O‘z nuqtai nazarini asoslashi va dalillar bilan qo‘llab-quvvatlashi mumkin. Fikrlar o‘rtasidagi bo‘gliqlikni ifodalay oladi. Muloqot jarayonida o‘zining qarshi fikrlarini bildira oladi.	-	Mavzuga doir vaziyatni tushuntirish, savollarga javob berish.
O‘qish	Kasbiga oid tegishli materialni topa olishi, tushunishi va umumlashtirishi mumkin, shuningdek, tegishli manbalarni saralab, qo‘llay olishi mumkin.	-	Masalaning mohiyatini ilg’ab olish va tegishli dalillar bilan asoslash. Matndan tegishli ma’lumotni topa olish.
Yozish	Sohaga doir qiziqishlari asosida kasbga yo‘naltirlgan matnlarni yoza oladi. Turli manbalardan olingan fikr-mulohazalarni umumlashtirishi va baholashi mumkin.	-	Qaydlar bo‘yicha yozish. Turli manbadan olingan fikr va dalillarni umumlashtira oladi.