O’zbekiston respublikasi oliy va o’rta maxsus ta`lim vazirligi qo’qon davlat pedagogika instituti sirtqi bo`lim pedagogika va psixologiya ta`lim yo’nalishi

O’ZBEKISTON RESPUBLIKASI OLIY VA O’RTA MAXSUS TA`LIM VAZIRLIGI
QO’QON DAVLAT PEDAGOGIKA INSTITUTI
SIRTQI BO`LIM
PEDAGOGIKA VA PSIXOLOGIYA TA`LIM YO’NALISHI
302-guruh talabasi


Sottimov Ubaydulloning

“OILA VA MAKTABGACHA TA’LIM TASHKILOTI HAMKORLIGI FAOLIYATIGA QO’YILADIGAN TALABLAR” MAVZUSIDAGI

KURS ISHI


ILMIY RAHBAR: PhD N.ORTIQOVA


Qo’qon – 2021
MUNDARIJA:
KIRISH…………………………………………………………………………
I BOB. OILA VA MAKTABGACHA TA’LIM MUASSASALARI TARBIYACHILARINING HAMKORLIGI – IJTIMOIY PEDAGOGIK MUAMMO SIFATIDA …………………………………….......................………
1.1 Maktabgacha ta’lim muassasasida ta’lim jarayoni qatnashchilari………...
1.2 Maktabgacha ta’lim muassasasi, tarbiyachi va oila ……………………….
1.3 Tarbiyachining oilalar bilan muloqot qilish strategiyalari ………………..
II BOB. MAKTABGACHA TA’LIM MUASSASALARI TARBIYACHILARINING OILA BILAN HAMKORLIGINING O‘ZIGA XOS XUSUSIYATLARI …………………………………………………………………
2.1 Ota-onalar uchrashuvlari va yig‘ilishlar …………………………………...
2.2 Oilalar bilan hamkorlikda tadbirlar o‘tkazish ……………………………..
2.3 Oila bilan hamkorlikda bolani maktabga tayyorlash imkoniyatlari ……….
Umumiy xulosa va tavsiyalar …………………………………………………
Foydalanilgan adabiyotlar …………………………………………………….

Kirish
Mavzuning dolzarbligi. O‘zbekistonda ta’lim ijtimoiy-iqtisodiy, g‘oyaviy-madaniy hayotning eng muhim yo‘nalishidir. Ta’limning xuquqiy asoslari mamlakatimiz Konstitutsiyasi, «Ta’lim to‘g‘risida»gi Qonuni va Kadrlar tayyorlash milliy dasturida o‘z aksini topgan¹. Respublikamizda ta’limning asosiy maqsadi bizning demokratik erkin davlat qurayotganimiz, bozor iqtisodiyotiga bosqichma-bosqich o‘tish yo‘lida izchil borayotganimiz bilan bevosita bog‘lik.
“Bizni hamisha o‘ylantirib keladigan yana bir muhim masala – bu yoshlarimizning odob-axloqi, yurish-turishi, bir so‘z bilan aytganda, dunyoqarashi bilan bog‘liq. Bugun zamon shiddat bilan o‘zgaryapti. Bu o‘zgarishlarni hammadan ham ko‘proq his etadigan kim – yoshlar. Mayli, yoshlar o‘z davrining talablari bilan uyg‘un bo‘lsin. Lekin ayni paytda o‘zligini ham unutmasin. Biz kimmiz, qanday ulug‘ zotlarning avlodimiz, degan da’vat ularning qalbida doimo aks-sado berib, o‘zligiga sodiq qolishga undab tursin. Bunga nimaning hisobidan erishamiz? Tarbiya, tarbiya va faqat tarbiya hisobidan.”² – Shavkat Mirziyoyev
CHunki davlatning buyuk kelajagi o‘z fuqarolarining ma’lumotliligiga, madaniyatiga, bunyodkorligiga tayanadi. Yuqorida qayd etilgan talablar pedagoglar oldiga juda katta vazifalarni qo‘yadi. Pedagogning vazifasi tinch, osoyishta hayotimizga qarshi turli tahdidlar kuchayib borayotgan hozirgi murakkab va tahlikali zamonda o‘sib kelayotgan yosh avlodni har tomonlama bilimdon, barkamol va raqobatbardosh etib tarbiyalash, ularni begona va zararli g‘oyalardan saqlash, o‘z yurtiga sadoqatli insonlar qilib etishtirish bilan belgilanadi. Xo‘sh bu vazifa qaerda va qanday bajarilishi kerak? Ma’lumki, insonni voyaga etishida uchta omil: nasl, oila, muhit muhim o‘rin tutadi. Bu omillarni bir-biridan ajratib bo‘lmaydi. Barkamol shaxsni tarbiyalashda ana Shu uch omil o‘rtasidagi hamkorlikni mustahkamlashga e’tibor qaratilishi lozim. Bu masalada uzluksiz ta’limning bosh bo‘g‘ini hisoblangan maktabgacha ta’lim muassasalarining o‘z o‘rni mavjud. Respublikamizda bugungi kunga kelib, 4978 ta maktabgacha ta’lim muassasalari faoliyat yuritib kelmokda. Ulardagi tarbiyachilar soni ayni paytda 36948 nafarni tashkil etsa, Shundan o‘rtacha hisobda 30300 nafardan oshig‘i o‘rta maxsus ma’lumotli. Agarda raqamlardagi tahlillarga e’tibor qaratsak maktabgacha ta’lim muassasalarida o‘rta maxsus ma’lumotli tarbiyachilar 82% ni tashkil etmoqda. Tarbiyachi-o‘qituvchilarning vazifalari bir, lekin ta’lim berish usullari, pedagogik mahorati turlicha. Ayni vaqtda pedagogning kasbiy mahorati ularda umumiy madaniyat va aql-zakovatning yuqori darajada rivojlanganligi, ularning pedagogika va psixologiya fanlari sohasida bilimlar bilan qurollanganligi, o‘qitish va tarbiyalash ishlari tajribasidan erkin va ustalik bilan foydalana bilishi, o‘quv-tarbiya ishlari metodikasini mukammal egallaganligi, mutaxassisligiga doir keng va chuqur bilim sohibi bo‘lishi kabilar bilan e’tirof etilmoqda. Maktabgacha ta’lim muassasasalarida muvaffaqiyatli faoliyat olib borishda mahoratli pedagog bolalar va ularning xatti-harakati yuzasidan oilalar bilan samimiy aloqada bo‘lishi nihoyatda muhim. MTT va oila birbiri bilan mustahkam bog‘liq hamda ular o‘rtasida aloqa qanchalik yaxshi yo‘lga qo‘yilsa, bola Shuncha ko‘p yordam oladi hamda uning dastlabki ta’lim tajribasi muvaffaqiyatli bo‘lishi extimoli ortadi. Tig‘iz ish sharoitida oila bilan doimiy aloqa uchun vaqt topish hamisha ham oson emas, lekin tarbiyachilar bolaning muvaffaqiyatlari uchun uni juda muhim deb hisoblashsa, u kundalik ishning bir qismiga aylanishi mazkur Kurs ishiimizning dolzarbligini belgilaydi va maktabgacha ta’lim muassasalari tarbiyachilarining oila bilan hamkorligi jarayonini o‘ziga xosligini e’tirof etish imkonini beradi.