O’zbekiston respublikasi qishloq va suv xo’jalik vazirligi

Fanning o’quv rejadagi boshqa fanlar bilan o’zaro bog’liqligi va uslubiy jihatdan uzviy ketma-ketligi

“Agrar siyosat va oziq-ovqat xavfszligi” fani umumkasbiy fanlardan biri bo’lib, 8- semestrda o’qitiladi. “Agrar siyosat va oziq-ovqat xavfszligi” fani o’quv rejasidagi barcha iqtisodiy fanlar bilan va shuningdek ijtimoiy-gumanitar fanlar bilan xam chambarchas bog’liq holda o’rganiladi: “Agrobiznesni tashkil etish va boshqarish”, «Agrar bozorni boshqarish», “Ko’p tarmoqli fermer xo’jaliklari faoliyatini tashkil etish va boshqarish”, «Qishloq xo’jaligida investitsion faoliyat»

Fanning ishlab chiqarishdagi o’rni

O’zbekiston Respublikasi korxonalarining ishlab chiqargan qishloq xo’jaligi maxsulotlarini tashqi bozorlarga chiqishi, chet el firma va kompaniyalarining mamlakatimizda shakllanayotgan tovar va xizmatlar bozoriga kirishi sezilarli darajada rivojlanib bormoqda. Ma’lumki, ochiq turdagi iqtisodiyotni yaratmay turib mamlakatimizning jahon qishloq xo’jaligiga integrasiyalashuvi bir muncha sekin kechadi. Shundan kelib chiqib qishloq xo’jaligini rivojlanish tamoyillarini chuqur tahlil etish va o’rganish, jahon mamlakatlari bilan agrar munosabatlarni rivojlantirish shu kunning talabiga aylanib bormoqda.

Yurtimizda keng imkoniyatlar mavjudligini, ya’ni boy xomashyo resurslarga va shuningdek malakali ishchi kuchlariga egaligini, borligini inobatga olib raqobatbardosh, sifatli qishloq xo’jaligi mahsulotlarni o’z yurtimizda ishlab chiqarib, shu yo’l bilan aholining oziq-ovqat mahsulotlariga talabini qondirish va dunyo bozorida o’zimizga munosib o’rin egallash mumkin. Mamlakatimiz rivojida xorijiy investisiyalarni o’rni aloxida ahamiyatga ega bo’lib, shuningdek mamlakatimizni rivojlantirishning ustuvor yo’nalishlardan biri hisoblanadi.


Fanni o’qitishda zamonaviy axborot va pedagogik texnologiyalar
Fanni o’qitish jarayonida talabalarning o’zlashtirishi uchun o’qitishning ilg’or va zamonaviy usullaridan foydalanish, yangi informasion va pedagogik texnologiyalarni tadbiq qilish katta ahamiyatga egadir.
Fanni o’zlashtirishda darslik, o’quv va uslubiy qo’llanmalar, ma’ruza matnlari, tarqatma materiallar, elektron materiallar, virtual stendlar foydalaniladi.
O’quv jarayoni bilan bog’liq ta’lim sifatini belgilovchi holatlar quyidagilar: yuqori ilmiy-pedagogik darajada dars berish, muammoli ma’ruzalar o’qish, darslarni savol-javob tarzida qiziqarli tashkil qilish, ilg’or pedagogik texnologiyalardan va multimedia vositalaridan foydalanish, talabalarni undaydigan, uylantiradigan muammolarni ular oldiga qo’yish, talabchanlik, talabalar bilan individual ishlash, erkin muloqot yuritishga, ilmiy izlanishga jalb qilish.