O’zbekiston respublikasi xalq ta’limi vazirligi abdulla qodiriy nomli jizzax davlat

Umumiy xulosa.

Mazkur bitiruv malakaviy ishi milliy-ma’naviy qadriyatlarini boshlang’ich sinf o’quvchilariga singdirishga qaratilgan bo’lib, unda asosan milliy-ma’naviy qadriyatlarni boshlang’ich sinf o’quvchilariga odobnoma va o’qish darslarida o’rgatish tizimiga qaratildi.

Milliy pedagogikaning xalqimiz ongiga chuqur singdirilganligi bir qator falsafiy, ijtimoiy siyosiy, psixologik va pedagogik adabiyotlarda aks etgan. Shu bois ham mazkur adabiyotlardan bitiruv malakaviy ishini bajarish jarayonida foydalanildi. Shunga asosan boshlang’ich sinf o’quvchilariga milliy-ma’naviy qadriyatlarni odobnoma va o’qish darslarida qanday singdirish ustida ish olib borilib zamonaviy pedagogika va psixologiya fanlarining yutuqlaridan keng foydalanildi.

Mazkur ishning birinchi bobida milliy ma’naviy qadriyatlarni boshlang’ich ta’limda qo’llash tizimiga yo’naltirilganlligi sababli unda milliy qadriyatlar, ularning ko’rinishlari, ma’naviyat, ma’rifat, pedagogika, pedagogik texnologiyalarning ta’riflarga to’xtalishga va ularni o’rganishga to’g’ri keldi. Ushbu ishni bajarish jarayonida milliy – ma’naviy qadriyatlarni yoshlar ongiga singdirish muammosi bilan shug’illangan bir qator faylasuf, pedagog va psixolog olimlarning izlanishlari kuzatildi.

Bitiruv malakaviy ishining ikkinchi bobi asosan boshlang’ich sinf o’quvchilariga milliy-ma’naviy qadriyatlarni odobnoma va o’qish darslarida singdirish texnologiyasi o’rgatishda qo’llanilishi ko’zda tutilayotgan interfaol metodlar, axborot va telekomunikasiya vositalarining imkoniyatlariga qaratildi.