Психика — бу инсон руҳиятининг шундай ҳолати­ки, у ташқи оламни (ички руҳий оламни ҳам) онгли тарзда акс этишимизни, яъни билишимиз, англашимизни таъминлайди. Психологиянинг предмети

I. Спорт фаолиятининг спортчилар руҳига таъсирини ўрганиш:
а) спорт мусобақаси жараёнини психологик жиҳатдан таҳлил қилиш (спорт турларини алоҳида ва умумий таҳлил қилиш);
б) спорт машғулоти ва мусобақасининг спортчи характерига таъсирини ўрганиш;
в) спорчиларнинг ахлоқий ва иродавий сифатларини ўрганиш;
г) спортчи фаолиятининг шарт-шароитларини психологик таҳлил қилиш;
д) спортчиларнинг ўзаро муносабатларини ва ташкилотчилик қобилиятларини жамоада тажриба ёрдамида шакллантириш;
II. Спорт машғулотини сифатли ташкил қилиш мақсадида махсус психологик кўрсатмалар бериш:
а) спорт машғулоти жараёнини сифатли ташкил қилиш учун спорт анжомлари билан таъминлаш
б) спортчи организмининг юқори даражада ишчанлигини маърифий фаоллигини ўстириш йўлларини топиш.
в) спортнинг алоҳида турлари учун янги психологик услублардан фойдаланиш.
Масалан, психодиагностика услублари ёрдамида спортчининг ижтимоий ва моддий шароити, муҳит, билиш жараёнлари психологияси, спорт қобилиятлари кабилар ўрганилади.
III. Спортчининг олдинги ҳолатдаги психологик хусусиятларини ўрганиш. Спортчи йил давомида мусобақага юқори даражада тайёргарлик ишлари олиб борса, йиллик юклама машғулотларини илмий асосда режалаштирса, бу мусобақада фаол иштирок қилади, ва юқори кўрсаткичларни қўлга киритишга муваффақ бўлади.
Спортчининг мусобақадан олдинги тайёргарлик ҳолатини қуйидаги психолик жиҳатларига алоҳида эътибор бериш керак:
а) Юқори даражада ишчанлиликни вужудга келтириш, мусобақага чидамлиликни ўстириш услубларидан фойдаланиш.
б) спортчининг мусобақадан олдинги ва мусобақа жараёнидаги руҳий ҳолатини ўрганиш
в) Ноқулай руҳий ҳолатдан чиқиб кетиш йўлларини излаб топиш.
г) спортчиларнинг психологик тайёргарлик ва чиниқиш услубларидан фойдаланиш.
IV. Спорт фаолиятини инсонпарварлаштириш мақсадида психологик муҳит ва шарт-шароитларини вужудга келтириш. Агар спорт фаолияти инсонпарварлаштирилса, спортчилар орасида тан жароҳати олиш камаяди, руҳий толиқиш, зўриқиш ва ҳар хил касалликларга чалинишнинг олди олинади. Ҳамда спортчиларнинг гармоник ривожланиши учун ёрдам беради. Бу масалаларни тўғри ҳал қилишда спортчилар ҳаётида озодалик ва гигиеник ишларни ташкил қилиш яхши натижалар беради. Спорт фаолиятини инсонпарварлаштириш масалаларини ижобий ва тўғри ҳал қилиш учун спорт психологияси қуйидаги воситалардан фойдаланишни тавсия қилади:
а) спорт фаолиятининг ички томонларини ва спорт жамоаси спортчиларининг ўзаро муносабатлари қонуниятларини ўрганиш;
б) спорт фаолияти мотивларининг тузилиш қонуниятларини ўрганиш;
в) спортчи фаолияти руҳий ҳолатнинг индивидуал психологик хусусиятларини ўрганиш.