Rekreatsiya tushunchasi. Rekreatsiya va dam olish. Reja: Rekreatsiya xozirgi davrning ijtimoiy-madaniy fenomeni sifatida

Uning asosiy vazifasi – jamiyat har bir a’zosining jismoniy va ruhiy qobiliyatini tiklash va rivojlantirish, uning ma’naviy dunyosini boyitish hisoblanadi. Bunda eng asosiy ehtiyoj bo‘lib, inson ma’naviy dunyosini, uning ijodiy qobiliyatini rivojlantirish hisoblanadi.
Rekreatsiyaning ijtimoiy funksiyalarini 3 ta asosiy guruhga ajratish mumkin:
Tibbiy-biologik funksiyasi sanatoriya-kurort davolashi va sog‘likni tiklashdan iborat bo‘ladi. Turizm orqali sog‘liqni tiklash – insonning ishlab chiqarishdagi va ishlab chiqarishdan tashqari ruhiy charchashini bartaraf qilish muammosini hal qilish yo‘llaridan biridir.
Ijtimoiy-madaniy funksiyasi – rekreatsiyaning etakchi funksiyasi hisoblanadi. Madaniy, yoki ma’naviy ehtiyojlar – keng ma’nodagi bilim ehtiyojidir, insonni o‘rab turgan dunyoni va unda tutgan o‘z o‘rnini bilib olishi, xayotning mohiyatini va maqsadini tushunib olishidir. Turizm insonga nafaqat o‘z mamlakatining, balki butun dunyoning tabiati, madaniy-tarixiy va ijtimoiy qadriyatlari bilan muloqot qilishi imkonini beradi.
Iqtisodiy funksiyasi – ishchi kuchini oddiy va takror ishlab chiqarish hisoblanadi. Rekreatsiya ijtimoiy zaruriy vaqtni tejab qoladi. Rekreatsiya tufayli ishchining mehnat qilish qobiliyati tiklanadi, to‘liq ish qobiliyatini saqlash davri uzayadi, bu esa kasallanishni qisqartirish, xayotiy tonusini oshirish hisobiga ish vaqti fondini ko‘paytiradi.
Rekreatsiya yana boshqa iqtisodiy funksiyalarni ham bajaradi: mamlakat muayyan hududining xo‘jalik tuzilmasini jadal rivojlantiradi; mehnatni qo‘llash sohalarini kengaytiradi, ya’ni rekreatsiya xizmatlarini ko‘rsatish hisobiga va bilvosita unga bog‘liq sohalarda bandlikni oshiradi; mamlakat bo‘yicha aholi pul daromadlari va xarajatlari balansining rekreatsiya hududlari foydasiga taqsimlanishiga katta ta’sir ko‘rsatadi; xorijiy valyuta kirib kelishining manbasi bo‘lgan xorijiy turizmning samaradorligini oshiradi.
2-Мавзу. РЕКРЕАЦИЯНИ ТАВСИФЛОВЧИ АСОСИЙ ТУШУНЧАЛАР ВА ИБОРАЛАР