Russ nashriyotiga so‘z boshi

Tayyorgarlik  

  

Real dunyoga e’tibor bermang  

  

“Real hayotda bu hech qachon ish bermaydi”. Siz o‘zingizning yangi g‘oyangiz 

haqida boshqalarga gapirganingizda har safar mana shu gapni eshitasiz.  

Huddi real hayot butunlay turg‘un joydek tasurot uyg‘otishadi. Shunday joyki, 

u  yerda  an’anaviy,  barchaga  ma’lum  yondashuvlar,  hattoki  ular  nomukammal  va 

samarasiz  bo‘lsa  ham  doimiy  ravishda  yangi  g‘oyalar,  noodatiy  yondashuvlar, 

notanish konsepsiyalar ustidan g‘alaba qozonishadi go‘yo.   

Lekin, agar, yaxshilab nazar tashlasangiz bu “real hayot” egalari tushkunlikka 

va  umidsizlikka  tushgan  insonlar  ekanligini  tushunasiz.  Ular  yangi  konsepsiyalar 

shubhasiz  yo‘q  bo‘lib  ketadi  deb  hisoblashadi.  Ular  jamiyat  o‘zgarishlarga  qodir 

emas yoki tayyor emas deb o‘ylashadi.   

Eng  yomoni  ular  boshqalarni  ham  mana  shunday  ekanligiga  ishontirmoqchi 

bo‘lishadi.  Ular  sizning  g‘oyangizni  amalga  oshirishning  imkoni  yo‘qligiga 

ishontirishga harakat qilishadi. Ular sizga vaqtingizni behudaga sarflayotganingizni 

aytishadi.  

Ularga ishonmang. Bunday hayot ular uchun haqiqiy hayotdir, lekin bu siz ham 

ular bilan o‘sha yerda yashashingiz kerak degani emas.   

Biz buni bilamiz, chunki bizning kompaniyamiz barcha yo‘nalishdagi haqiqiy 

hayot  “test”larini  rad  etgan.  Haqiqiy  hayotda  siz  sakkizta  turli  shahar  va  ikkita 

kontinentda joylashgan o‘n ikki xodimga ega bo‘lishingiz mumkin emas.   

Millionlab mijozlarni reklama va sotuvchilarsiz jalb qilishingiz mumkin emas. 

O‘zingizning  muvaffaqqiyat  formulangizni  butun  dunyoga  ko‘rsatib  berish  kabi 

tavakkal qilmaysiz. Lekin biz mana shularning barchasini qildik va yutdik.  

---

Haqiqiy hayot bu joy emas, shunchaki bir gap. Harakat qilmaslik uchun bahona. 

Buning sizga hech qanday aloqasi yo‘q.