KIRISH
O’zbekiston
Respublikasi Prezidenti I.A.Karimovni Vazirlar
Mahkamasining 2009 yil 14 fevraldagi majlisida so’zlagan ma’ruzasidan kelib
chiqqan holda ta’lim va kadrlar tayyorlash sifatini tubdan oshirish, mustaqil
fikrlaydigan, o’zining qat’iy xayotiy e’tiqod va qarashlariga ega bo’lgan yoshlarni
tarbiyalashga hissa qo’shish maqsadida ushbu fan dasturi tuzildi.
Talabalarga mazkur fan xususiyatlari doirasida O’zbekiston Respublikasi
Prezidenti I.A.Karimovning “Jahon
moliyaviy-iqtisodiy inqirozi, O’zbekiston
sharoitida uni bartaraf etish yo’llari va choralari” nomli asarida keltirilgan
materiallar, qoidalari va xulosalarni puxta o’zlashtirishlari, kelgusi faoliyatida
samarali foydalanishlari hamda ijodiy yondoshishlarini ta’minlash fanni o’rganish
oldida turgan asosiy vazifalardan biridir.
Dunyoning nufuzli ekspertlarini fikrlariga ko’ra, bu inqiroz 2009 yilda va
2010 yilda ham davom etishi va ehtimoli yanada chuqurlashishi kutilmoqda.
Bulardan kelib chiqqan holda, o’z-o’zidan ayonki, O’zbekiston jahon iqtisodiy
inqirozining salbiy oqibatlarini bartaraf etish bo’yicha 2009-2012
yillarga
mo’ljallanib qabul qilingan Inqirozga qarshi choralar dasturi O’zbekistonning 2009
yilda ijtimoiy-iqtisodiy rivojlantirishning ustivor yo’nalishi bo’lib qoladi. Bu
o’rinda ishlab chiqarishni modernizatsiya qilish, texnik va texnologik qayta
jihozlash, xalqaro sifat standartlariga o’tish bo’yicha qabul qilingan tarmoq
dasturlarini amalga oshirishni tezlashtirish vazifasi kun tartibiga qo’yilmoqda. Bu
esa o’z navbatida, O’zbekistonning
ham tashqi, ham ichki bozorida barqaror
mavqega ega bo’lishini ta’minlash imkonini beradi.
Jahon bozorida talabni rag’batlantirish orqali mahalliy ishlab
chiqaruvchilarni qo’llab-quvvatlash O’zbekiston iqtisodiy o’sishining yuqori
sur’atlarni saqlab qolishda g’oyat muhim ahamiyatga ega. Ushbu dastur
doirasidagi loyihalarda keng iste’moldagi oziq-ovqat va nooziq-ovqat tovarlarni
ishlab chiqarish korxonalari uchun keng ko’lamli rag’batlantirish tizimi, ya’ni soliq
va bojxona imtiyozlari berilmoqda.
Patentshunoslik, litsenziyalash va sertifikatlash
fani darslarida tashqi
iqtisodiy faoliyat (TIF)da tovarlarni nomenklaturasini o’rganish, uyg’unlashgan
TN bojxona to’lovlari, intellektual mulk ob’ektlarini muhofazalash, ilmiy
kashfiyotlar va ixtirolar, seleksiya yutuqlari va sanoat namunalari hamda belgilari,
eksport va import tovarlar bo’yicha shartnomlar tuzish, patent axborotlari, xalqaro,
Yevropa va MDH patentshunoslik, litsenziyalash va sertifikatsiyalash to’g’risidagi
axborotlar bilan tanishgan va huquqiy normalarni bilish to’g’risida ma’ruza va
seminar darslari olib boriladi.
Bugungi kunda hal etilishi lozim bo’lgan
masalalarni yechimi uchun
Respublikamizga patentshunoslik, litsenziyalash va sertifikatsiyalash sohasida
jahon andozalariga mos keluvchi yuqori malakali mutaxassislar kerak. Shu
kunning mutaxassisiga, birinchidan, iste’molchilarni ehtiyojlaridan kelib chiqqan
holda intellektual bozorni har tomonlama tahlil qila bilish, ikkinchidan bozorga
ta’sir eta bilish talabi qo’yiladi.
6
«Patentshunoslik, litsenziyalash va sertifikatlash» fani maqsadi–talabalarga
mamlakatimiz iqtisodiyotini erkinlashtirish va iqtisodiy islohotlarni jadallashtirish
hamda iqtisodiyotni modernizatsiya qilish sharoitlarida O’zbekiston
Respublikasida ilmiy kashfiyotlar, ixtirolar,
seleksiya yutuqlari, xalqaro patent
tizimi va boshqalarni o’rganishda va ularni faoliyatini to’g’ri tashkil etish va uni
takomillashtirishdan iboratdir.
Fanining asosiy vazifalari – patentshunoslik, litsenziyalash va
sertifikatsiyalashning mohiyati,
rivojlanishining asosiy bosqichlari, marketingning
asosiy tamoyillari, vazifalari va turlari, axborot bilan ta’minlash siyosati kabilarni
o’rgatishdir.
Ushbu o’quv fani «Huquqshunoslik», «Siyosatshunoslik», «Axborotlar
texnologiyasi», «Xalqaro marketing», «Marketing
faoliyatini prognozlash va
tahlili», «Xorijiy investitsiyalar» va boshqa fanlar bilan o’zaro aloqadorlikda
o’rganiladi.
«Patentshunoslik, litsenziyalash va sertifikatlash» fanini o’qitishda, talabalar
tomonidan fanni to’liq o’zlashtirilishini ta’minlash maqsadida, mavzularda
ko’rilayotgan masalalarning mohiyatidan kelib chiqqan holda
ilg’or
pedagogik
texnologiyalarning “aqliy hujum”, “kichik guruhchalar”, “klaster”, “blist-so’rov”,
“diskussiya”, “keys-stadi”, “muammoli vaziyatni yechish” usullaridan
foydalaniladi.
Bu usullarning natijaviylik darajasini oshirish uchun har bir mavzuni
yoritishda kompyuter, slaydlar, eshitish(audio) va ko’rish(video)
vositalari,
multimediya vositalari hamda Internet sahifalari va xizmatlaridan foydalanish
tavsiya etiladi.
7
