Samarqand iqtisodiyot va servis instituti iqtisodiyot kafedrasi

Boshqaruv apparatining huquqlari va javobgarligi:
Boshqaruv apparati oʼziga yuklangan vazifalar va funktsiyalarni bajarish uchun quyidagi huquqlarga ega:

• 
  hokimlikda koʼrib chiqiladigan masalalarni tahlil qilish va ishlab chiqish uchun zarur boʼlgan materiallar va maʼlumotlarni hududiy boshqaruv organlaridan, boshqa tashkilotlardan belgilangan tartibda soʼrash va olish;
  
• 
  zarurat boʼlganda, hokimlikda koʼrib chiqiladigan masalalarni ishlab chiqish, axborot va tahliliy materiallarni, shuningdek xalq deputatlari shahar Kengashi va hokimning hujjatlari loyihalarini tayyorlash uchun hududiy boshqaruv organlari xodimlarini taklif etish, ushbu maqsadlar uchun vaqtinchalik ekspert guruhlarini tashkil etish;
  
• 
  hududiy boshqaruv organlari, boshqa tashkilotlardan ular tomonidan kiritilgan xalq deputatlari shahar Kengashi va hokimning hujjatlari va qarorlari loyihalarini puxta qayta ishlashni belgilangan tartibda talab qilish;
  
• 
  hududni ijtimoiy-iqtisodiy rivojlantirish masalalari hududiy boshqaruv organlari, boshqa tashkilotlar rahbarlari va xodimlari ishtirokida koʼrib chiqilishi va muhokama qilinishini tashkil etish;
  
• 
  hududiy boshqaruv organlari, boshqa tashkilotlar rahbarlariga tezkorlik bilan hal etishni talab qiladigan hamda boshqaruv apparatiga yuklangan vazifalar va funktsiyalarni bajarish bilan bogʼliq boʼlgan masalalar boʼyicha belgilangan tartibda topshiriqlar berish;
  
• 
  hududiy boshqaruv organlari, boshqa tashkilotlarning normativ-huquqiy va boshqa hujjatlarning, xalq deputatlari shahar Kengashi hujjatlari, hokimning hujjatlari va topshiriqlari, uning oʼrinbosarlari topshiriqlari bajarilishi yuzasidan ishlarini belgilangan tartibda oʼrganish.
  

Boshqaruv apparati:

• 
  oʼziga yuklangan vazifalar hamda funktsiyalarning sifatli va oʼz vaqtida bajarilishi;
  
• 
  Oʼzbekiston Respublikasi Oliy Majlisi palatalari, Prezident hamda Vazirlar Mahkamasi, viloyat hokimligining hujjatlari va topshiriqlariga, Oʼzbekiston Respublikasi Prezidenti Devonining topshiriqlariga muvofiq takliflar va hujjatlar loyihalari har tomonlama va oʼz vaqtida tayyorlanishi;
  
• 
  ijtimoiy-iqtisodiy rivojlantirish tendentsiyalarining, iqtisodiyot tarmoqlari va sohalarida iqtisodiy islohotlar amalga oshirilishining tizimli monitoringi olib borilishi, hokimning koʼrib chiqishi va qaror qabul qilishini talab etuvchi muammoli masalalarning kelib chiqishi sabablari oʼz vaqtida aniqlanishi va takliflar tayyorlanishi;
  
• 
  davlat organlari va boshqa tashkilotlar tomonidan shahar hokimligiga kiritiladigan takliflar va hujjatlar sifatli va oʼz vaqtida ishlab chiqilishining tashkil etilishi, ularning iqtisodiy, moliyaviy va huquqiy ekspertizadan oʼtkazilishi, shuningdek asoslangan xulosalar tayyorlanishi;
  
• 
  Oʼzbekiston Respublikasi Oliy Majlis palatalari, Prezident Devoni, va Vazirlar Mahkamasi, viloyat hokimligi xalq deputatlari shahar Kengashiga koʼrib chiqish uchun kiritiladigan hujjatlar va takliflar loyihalarini ishlab chiqish va ekspertizadan oʼtkazish sifati, shuningdek kiritilgan loyihalar va qabul qilingan qarorlar amalga oshirilishining ijtimoiy-iqtisodiy oqibatlari.;
  
• 
  Oʼzbekiston Respublikasi Qonunlari, Oliy Majlis palatalarining qarorlari, Prezidentning farmon, qaror, farmoyish va topshiriqlarining, Vazirlar Mahkamasi, viloyat hokimligining qaror, farmoyish va topshiriqlarining, hokim va uning oʼrinbosarlari topshiriqlarining hududiy boshqaruv organlari tomonidan bajarilishi holatining oʼz vaqtida oʼrganilishi uchun javob beradi.