ŞƏKİ rayonunun makromisetləRİNƏ daiR İlk məlumatlar

Helvella acetabulum (L.) Quél.; Syn.: Acetabula vulgaris Fuckel.
Təsviri: Apatetsi 8 sm diametrə malikdir. Himeni qatı tünd-qonur rəngdə, aşağıya doğru rəng açıqlaşır və apatetsi qırışlı-büküşlü forma alır. Ayaqcıq 1.5-2 sm olub, diametri təxminən 1 sm. Kisələr silindrik görünüşə malikdir. Sporlar ellipsvari, hamar, böyük yağ damlasına malikdir. Ölçüləri 18-24 x 10-25 µm.
Toplanılıb: Zəyzid kəndi ərazisində Qarasu əkin sahəsinin ətrafındakı enliyarpaqlı meşə ərazisində. 22.05.2008.
Pezizales, Morchellaceae
Morchella conica Pers.
Təsviri: Meyvə cismi 4-5 sm olub içiboş konusvaridir. Papaqcığın ucu nisbətən zirvəli olub, 2-3 sm. uzunluğa malikdir, tünd-qonur, qəhvəyidir. Üzəri quzu qarnını xatirladan oyuqlara malik və oyuqların daxili boşluğu qarayaçalan tünd-qonurdur. Diametri 1-2 sm. Ayaqcıq silindrik olub, bəzən aşağı hissədən qalınlaşır, ağ rənglidir. Uzunluğu 2-2.5 sm. Sporlar ellipsvari, yağ damlalıdır. Ölçüləri 18-22 x 10-14 µm.
Toplanılıb: Şəhər ərazisində yerləşən bir neçə fərqli ünvanda otların, çürüntünün arasında rast gəlinib. 21.03.2015.


Morchella esculenta (L.) Pers.; Bas.: Phallus esculentus L.
Təsviri: Meyvə cisminin uzunlugu 5-10 sm, papaqcığın diametri 3-5 sm. Dadı tam yetişməmiş fındıq dadını xatırladır. Zəif göbələk qoxusuna malikdir. Papaqcıq üzərində quzu qarnını xatırladan dairəvi, oval oyuqlar var. Papaqcıq açıq-qonur, qəhvəyi, sarı-qəhvəyi, narıncı-qəhvəyi rənglərə malikdir. Əsasən oval və dairəvi formalarda olub içiboşdur. Ayaqcıq silindrik olub əsasən aşağı hissədən genişlənərək boxçavari forma alır. Açıq-qəhvəyi, ağımtıl rənglərdədir. Uzunluğu 3-4 sm. Sporların ölçüləri 18-24 x 10-14 µm.
Toplanılıb: Küngüt kəndi yaxınlığında həyətyanı sahədə, 20.03.2015; Xan yaylağı 1600-1650 m. yüksəkliyində, qarağac və palıd ağaclarının altında meşə döşənəyində bu növün çoxlsaylı nümayəndələrinə rast gəlinib. 21.03.2015.