Shkalalar Kelvin

Rankin (ºR, ºRa)
Rankin shkalasining belgilanishi ºR yoki, ºRa tarzida bo‘lishi mumkin. Uni 1859-yilda shotland fizigi Uilyam Rankin taklif qilgan. Rankin shkalasida ham quyi tayanch nuqtasi mutlaq nol harorat bo‘lib, u kelvin shkalasidagi 0 daraja bilan teng (ya'ni, 0 ºR=0 K). Rankin shkalasidagi bir daraja farengeyt shkalasidagi bir daraja bilan teng. Lekin ushbu ikki shkala bo‘yicha nol nuqta keskin farq qiladi. Rankin shkalasi bo‘yicha suvning muzlash harorati 491,67 ºR ni tashkil qiladi. Rankin shkalasi hozirda iste'moldan deyarli butunlay chiqib ketgan bo‘lib, AQSH sanoatidagi kamdan-kam maxsus sohalarda qo‘llaniladi.
Xalqaro qo‘mita rankin shkalasidan foydalanmaslikni tavsiya etgan.
Reomyur (ºR, ºRe)
Reomyur shkalasini 1730-yilda farang olimi Rene de Reomyur taklif qilgan bo‘lib, unda tayanch nuqtalar - suvning muzlash harorati 0 ºRe va qaynash harorati 80 ºRe deb belgilangan. Reomyur shkalasi o‘sha zamonlarda Fransiyada va qisman Rossiyada qisqa muddat qo‘llangan bo‘lib, keyinchalik iste'moldan butunlay chiqib ketgan.
Harorat birliklari orasidagi nisbatlar va ularni o‘zaro o‘girish formulalari
Quyidagi jadvalda yuqorida qayd etib o‘tilgan harorat birliklari orasidagi o‘zaro almashtirish nisbatlari keltirilgan.

dan/ga	ºC	ºF	K	ºRa	ºRe
ºC	1	t(ºC)1,8+32	t(ºC)+273,15	[t(ºC)+273,15]×32	t(ºC)×0,8
ºF	[t(ºF)—32]/1,8	1	[t(ºF)+459,67]/1,8	t(ºF)+459,67	[t(ºF)—32]×4/9
K	t(K)—273,15	[t(K)×1,8]?459,67	1	t(K)×1,8	[t(K)—273,15]×0,8
ºRa	[t(ºRa)—491,67]/1,8	t(ºRa)+459,67	t(ºRa)/1,8	1	[t(ºRa)—491,67]×4/9
ºRe	t(ºRe)/0,8	[t(ºRe)×9,4]+32	[t(ºRe)×1,25]+273,15	[t(ºRe)9/4]+491,67	1

Shuni ham aytib o‘tmoqchimanki, mazkur jadval bilan ishlashda qiyinchilikka uchragan foydalanuvchilarimiz saytimiz sahifasining yuqori o‘ng qismida joylashtirilgan onlayn birliklar konvertoridan foydalanishlari mumkin
Quyida esa, turli harorat shkalalari orasidagi nisbatlarni yanada yaqqolroq tasavvur qilish imkonini beruvchi infografikani keltiramiz: