Shovot tuman prokuraturasining

17-bandi: Jamg‘arma mablag‘lari hisobidan umumta’lim muassasasi pedagog, psixolog va kutubxona xodimlarining bazaviy tarif stavkasiga har oylik ustama belgilash, xodimlarni mukofotlash va ularga moddiy yordam berish to‘g‘risida Ishchi guruhning qarori asosida umumta’lim muassasasi direktorining buyrug‘i chiqariladi.
Yuqoridagilardan xulosa qilsak 48-son, 36-son va 32-son maktablarda jamg‘arma mablag‘laridan foydalanishni muvofiqlashtiruvchi Ishchi guruh faoliyati to‘g‘ri yo‘lga qo‘yilmaganligi, o‘zlariga belgilangan vazifalarni amaldagi Nizom talablari asosida bajarmayotganliklari kabi salbiy holatlar aniqlandi. Shu sababli mazkur maktablarda jamg‘arma mablag‘lari hisobidan xodimlarga belgilangan ustama, mukofot va moddiy yordam hujjatlarining qonuniyligini o‘rganish uchun belgilangan tartibda xizmat tekshiruvi o‘tkazilishi maqsadga muvofiq hisoblanadi.
Maktab psixologlari faoliyati, 11-sinf o‘quvchilarining kasbga yo‘naltirish va OTMga tayyorgarlik ko‘rishlari uchun qiziqishi bo‘yicha so‘rovnoma olinganmi.
Maktablarda 11-sinf bitiruvchilarining qiziqishlarini aniqlovchi so‘rovnomalar o‘tkazilgan. Shuningdek, maktab psixologlarining ish hujjatlari ko‘rilganida:
32-maktab psixologi ish rejasi to‘liq tasdiqlanmagan va ish rejaning bajarilishi ham qoniqarsiz axvolda.
27-maktab psixologi ish rejasining bajarilishi qoniqarsiz ahvolda.
O‘zbekiston Respublikasi xalq ta’limi vazirligining 2019-yil 7-dekabrdagi 393-sonli buyrug‘iga asosan “Xalq ta’limi hodimlari asosiy lavozimlarining malaka tavsiflari” tasdiqlangan. Mazkur buyruqning 2-bob 5-§.da Umumiy o‘rta ta’lim maktabi (maktab internat) psixologi lavozimining malaka tavsiflari keltirilgan bo‘lib, quyidagilar uning lavozim vazifalari hisoblanadi:
a)-bandi: o‘quvchilarni (tarbiyalanuvchilarni) muassasalarda tarbiyalash va o‘qitish jarayonida ruxiy, jismoniy (somatik) va ijtimoiy farovonligini muxofaza qilishga yo‘naltirilgan kasbiy faoliyatni amalga oshirish;
v)-bandi: o‘quvchilar (tarbiyalanuvchilar) rivojlanishiga to‘sqinlik qilayotgan omillarni aniqlash va turli ko‘rinishdagi psixologik yordam (psixokorreksiya, reabilitatsiya va maslaxat) berish bo‘yicha tadbirlarni amalga oshirish, o‘quvchilar (tarbiyalanuvchilar), ota-onalar (ularning o‘rnini bosuvchi shaxslar), pedagogik jamoaga aniq muammolarni xal qilishda yordam berish;
g)-bandi: turli yo‘nalish va maqsadlarda psixologik tashxis o‘tkazish, ruxiy, jismoniy va aqliy qobiliyat, moyillik, imkoniyat kabi sifatlarni aniqlash uchun testlar o‘tkazish, test natijalarini taxlil qilish va baxolash;
j)-bandi: o‘quvchilar (tarbiyalanuvchilar) shaxsining individual yosh xususiyatlari, jinsini xisobga olib ta’lim faoliyatining rivojlantiruvchi va tuzatuvchi dasturlarini rejalashtirish va ishlab chiqishda ishtirok etish, ularda xayotiy va kasbga yo‘nalish olishning turli vaziyatlariga moslashuvchanlikka tayyorgarlikni rivojlantirishga ko‘maklashish;