Statistika fanidan glossariy

Mantiqiy tekshirish – statistik ma’lumotlarning mazmunini tekshirish.
Arifmetik tekshirish – o’zaro bog’liq ma’lumotlarni son (raqam) jihatidan tekshirish.
Statistik guruhlash – o’rganilayotgan ijtimoiy hodisa va jarayonlarni ularning muhim belgilariga qarab bir turdagi guruhlarga ajratish.
Atributiv belgi – son bilan ifodalanmaydigan, bir-biridan mazmunan va sifat jihatdan farq qiluvchi belgilar.
Muqobil (alternativ) belgi – ikkita qarama-qarshi, bir-birini taqozo etmaydigan belgilar.
Miqdoriy belgi – son (raqam) bilan ifodalanuvchi belgilar.
Omil belgi – natijaga ta’sir qiluvchi belgilar.
Natijaviy belgi – omil belgi ta’sirida o’zgarib turuvchi belgi.
Guruhlash oralig’i belgining eng katta va eng kichik variantlari ayirmasining guruhlar soniga nisbati bilan aniqlanadi.
Tipologik guruhlash – o’rganilayotgan to’plamning turli xildagi birliklari sifat jihatdan bir xil guruhlarga, bir xil tiplarga ajratish.
Tuzilmaviy guruhlash – o’rganilayotgan to’plamning bir xil tipdagi, sifat jihatidan bir xil bo’lgan guruhlar (birliklar) ning salmog’i hisoblanadi va shu to’plam tarkibi o’rganish.
Analitik guruhlash – o’rganilayotgan to’plamdagi ikki va undan ortiq belgilar o’rtasidagi bog’lanish o’rganish.
Statistik jadvallar deb o’rganilayotgan hodisa va voqealar to’g’risidagi ma’lumotlarni tartibli, ko’rgazmali ifodalashga aytiladi.
Statistik jadvalni maketi. Tuzilgan, lekin raqamlar bilan to’ldirilmagan jadvalni, statistik jadvalni maketi deyiladi
Oddiy jadvallar deyilganda egasi faqat hodisalar, yillar, ob’ektlar ro’yxatidan tashkil topgan jadvallarga aytiladi.
Guruhiy (gruppali) jadvallar deganda jadval egasi biron-bir belgi bo’yicha guruhlarga ajratib berilgan jadvalga aytiladi.
Kombinatsion jadval deganda, bir marta guruhlangan jadval egasi yana guruhlarga, ular yana guruhcha osti guruhlariga ajratilgan, jadval kesimi ham guruhlangan ko’rinish olgan jadvallar tushuniladi.